堅好睇。
暫時睇到第4集，堅好睇。
青年版演員啲戲好舒服，最大敗筆係姜濤。
蕃茄醬係回憶，千王之王(？)好岩FEEL。緣份遊戲好有情趣，青春真好，姊妹情真好。
悲既部份都好肉痛。喚醒起床既清醒夢，從光明到窗簾閂埋既陰暗。「佢已經走左」既凝望。
大話遊戲既悲喜交集，連配角都有戲。「我唔鐘意超人」之後既不同反應。導演多番為超人助攻而耍眼色。幾場不同既父母線，各個主角既背景都豐富不少，夠簡而精。
第4集最尾，青年版同中年版既國王獨白劇目，相互支撐對方，最真實既今不如昔。當日衝破自己既關口，眾人都興奮跳起既心情，今日淪落到為廢老賣尊嚴，長大成人既痛，是真的痛。
好鐘意李敏。
放射燈外圍既黑暗。
好鐘意BGM。
後記：
其實《那年盛夏我們綻放如花》同呢套都有好多新既後生演員，到底呢班人係邊度搵，又去左邊？香港既演藝行業何去何從？佢地好多人都可以好好睇吧。都值得更多吧。
諗返上套好睇既戴玉麒，WIKI寫《萬輻瑪利亞》係佢第一套(主要)影視作品，都已經5年前了，2019-2022年係空白的。又賴防疫？賴北上？
之前報乜乜乜基金拍完套戲得幾十蚊票房，始終都有錢有作品啦。唔好講巿場，講資源，唔係無喎。有得恥笑都比無人提好。呢點真係好真。
講開再講，之前睇《萬輻瑪利亞》係想睇寧寧，寧寧都可以話無再拍戲拍(正)劇，變左綜藝人。希望呢套既兩個妹妹都可以做到演員。就算拍《深宵閃避球》啲垃圾戲都好過變做廣告從業員。演員，理應係一個好認真既身份。