唔錯。正宗娛樂片。爽度有，感動位有，弱點亦都係一貫既刻意同方便，但唔影響整體觀感，尤其人物角色咁多人都恰如其分，十分讚。
女角好可憐。各種經歷同前後對比令人更加心痛佢既死。係篇幅唔多但係描寫精準上面比拖拉日劇高幾班。
具檢察官就係犯左反派通病。明明一開始叫主角交返條片出黎同唔好亂講野就可以收科。要狠心既就直接了當殺左佢。根本係無野搵野黎做。
而主角比廉毒頭玩完一輪之後既空白到而家都唔明。點解會放佢出去，又點解搵到人幫佢戒毒。車斷既腳又可以行得走得打交仲得。個酒吧老友又零交待唔知乜水。貪方便就幫拖用完就賜死，最大敗筆。
警察既家庭背景又係工具性多。唔係要比理由設局具檢察官其實唔使出現。一匹狐狼仲玩到著草背後要擔心個女，影響投入。但係所謂反間具檢察官既橋完全係夾硬黎。第一佢點解要KEEP住個火機﹑點解咁易信個電話即刻放人﹑點解高官間房咁易被人偷拍﹑點解佢要死保個屎忽鬼。。。雖則話爽片係咁，都要扣分。
另外講開念舊，女角被人玩謝又坐監又送毒，屎忽鬼仲拉佢上遊艇玩，真係好專一。