世石咁樣退場其實都好睇。唔係咩明刀明槍，但又唔係咩陰謀詭計，就係世事無常。特別係死係睇落最無害﹑最無殺心既崔玹準手上，更顯得好多時千算萬算都忘記左人只要一有機會就會痛下殺手既本性。
崔玹準到底係兩頭蛇定牆頭草？暫時偏向覺得係後者。個人能力最多中等，最大長處係與人唯善，無咩記憶點令人針對佢，所以既可以開口話要殺鄭泫揆，一個屈尾十又話好信佢要一齊玩，另一邊同兩個八婆又可以組隊之餘同世石﹑Justin都有計傾。呢一種人講真，係無乜特別標青既人選之下睇落最有冠軍相。
而鄭泫揆，果然係有啲咩秘密係隱藏關卡入面。選擇齋同圭賢﹑邵熙講都可以理解。
今次Death Match竟然咁君子，無聯手又平分籌碼公平比賽，有啲意外。可能係7HIGH既尊嚴同專業令佢想真正玩好個遊戲，但暫時睇落輸左比兩條女，現實中既佢到底戰績如何。
從來都覺得呢類啤牌遊戲好難玩。你再睇得清對手都要睇牌運。更何況短時間好難摸得清人既習性。
另一邊廂生活館既眾人都好似因為世石離開而有啲低落，金幣又讓黎讓去，太感情用事，心態唔好。咁樣玩法就算再有本事都會容易被班狼死既八婆反CAP。如果因為認真玩而被背刺死都算，如果係死係自己手上，就太可惜。