終於開箱！
正正經經玩遊戲咪幾好睇。全程智力在線，睇到勁驚。
開GAME前諗幾個策略，而家似乎就係小偷唔需要同黑警聯絡，保護雙方，再拉攏全好人入局，咁就可以穩守勝券。而且淘汰7人既時候人數幾乎足夠，比起一齊互片咁先合符邏輯。
而藍隊同緣隊全程直來直去，基本上都係一臉敗相。
圭賢係鬼都估到。其實係邊彊搵到痕跡，上面又有而下面無，仲唔叫人上去，都已經夠可疑。另一邊就得世石有存在感，無乜感覺。
另外開局守晒係轉線站根本就係好差既策略，逃走梗係往內而唔會係入面走返出去，貪倔頭路長咩。
天諾企埋Justin同一格真係心都跳埋出黎。其他人用呢一步都無咁緊張，Justin下下都原地遞解，真係兵行險著。
尾二一步天諾決定食金本身覺得係貪快，明明下面有兩條友虎視眈眈，用多一回避開會穩陣啲，仲諗住佢晚節不保，點知順利逃脫。唔知係咪就係黑警發功，係既就真係神，因為黑警真係好真，圈死小偷既位置叫人查，估佢唔到。
今集MVP似係天諾同7HIGH，其他野要睇下集開估。希望唔好再重現勁人比人圍死得返啲廢柴玩既局面。不過暫時咁睇都係正攻解法獲勝，應該無拉仇恨。除左圭賢篤灰之外。