除左古川琴音，終於都多左池松壯亮既戲。
無比較無傷害，對比男主角個種唔知係演技定角色塑造既木獨SOR9LY嘴臉，由一開始既距離感「暇なんで」，到「ここの人みんな南雲さんと海ちゃんのこと」已經心有戚戚然，之後對住海ちゃん既淡淡哀愁又淡淡歡欣好能夠表達到兩種心情，更莫講話對住夏唔想講水季既事，含住泡眼淚講「思い出したくない」既渲泄。
最可惜既係剪接勁差，兩個人既對話唔知做乜鳩瘋狂對CUT大頭，偏偏鏡頭角落好明顯津野係有反應，可能係手既郁動﹑抬頭注射﹑轉身之類，一轉SHOT又變左單一表情大頭，完全唔連戲。
同樣既情況係大竹忍個度又係咁，成班演員剪到好似做定鏡獨腳戲咁。
雖然今集多左幾場古川琴音，但係如同津野既對白：「人都死左，而家再追問，太過矯情。」
當夏去到水季舊居，屋都清走晒舊物，仲係度影相，有意思咩？幻想水季開心咁返屋企對住海揮手，憑什麼？
「自以為是既想像」，呢句話係今集不同場口都出現，下集應該會再多講水季心目中既夏，之但係夏對於水季同海兩個人既生活，種種矯情自我既想像，明顯地劇本係無加以批判。
夏呢個人設真係討厭至極。
尤其是大大聲咁講想體驗下同海單獨生活既時候，大竹忍定左幾秒，唔知係咩意思，但係，屌你老尾，做人家人體乜撚驗？試過唔WORK再同小朋友講「我唔同你生活喇，頂你唔順呀」咁樣？
水季咁自由奔放既人要努力做出改變先做到好媽媽，你家下養少個BB七年，仲齋嗡體驗做人老豆？咁多人死唔見你死？
最後仍然不得不提古川琴音啲戲，對住阿媽撒嬌，笑佢「すごいね、向いてないこと、こんなに長く続けて」既時候真係好女兒式既可愛。大竹忍既對戲又係好慈愛既呀媽，「係呀，我都唔適合做人阿媽，不過只能夠堅持做落去啦」。真係好好睇。
下一集，一個SHOT，一句話，古川琴音話唔想咁快死，已經想喊。