又一套同簡介甚至戲名無關既電影。
記憶,或者失憶,係戲入面其實唔係重點,完全拎走唔算有太大問題,但係想自圓其說,同時有一個好理由比個殺手去「做好事」,呢個設定完全good fit。
發現好多時電影既所謂反派都係好有信念,好堅持去做一件事。
要救小朋友,同時係殺手,其他人可以二話不時head shot辣低。
個FBI仲要話呢個唔係佢style。
正派個邊就成日都唔知自己做乜,要救人,要保護人,但係總係要將「好既壞人」解決。
世人稱為道德?底線?
食屎啦。
其中一句用左幾次既台詞好正,無論係頂撞上司,擅自行動,對抗壞人,任何情況只要拎出黎就無死。
「I am doing my job。」
可以左搖右擺無堅持咁做事,就係呢種人。
套戲既敍事平鋪直述,轉折唔多,好多對陣都硬橋硬馬,唔算有驚喜,但係都唔難睇。
反而幾鐘意幾個亮點都係係黑色格調之下完美呈現出黎。
一個係ALEX自己走出車比人亂槍掃射,你唔知點解佢搞咁多野之係要咁做,但係佢就係一個有退化症想退休既人,雖然大業未竟,都算得償所願。
一個係結局女女FBI製造不在場證據既段落,一開始都唔知佢做乜,直至奸角被殺先估到,而佢笑笑口念禱詞,除左同前面情節有連貫,亦冷冷地表示「正義」應該係咁,好睇。
反而係落手殺人個靚仔LIASER雖然復仇一面突出,但係唔好唔記得你就係ON99想辣低ALEX既人,你前面冧左個犯,後面仲點捉壞人?
燒野個SHOT又停左咁耐比戲佢,反而多左。
總結黎講係好睇,無計,對呢啲貫徹信念不計手段既角色一定係正評。