時隔十三年,終於有幸睇到呢套精彩絕倫既印尼動作片。
絕無過譽。
劇情上雖然估到,但勝在簡而精,用最快既速度交待所有起承轉合,而且唔係硬插入動作場面當中,功力可見一斑。
動作場面無甚冷場,相比港產片打極唔死既主角同超乎現實既鎖血技能,其實已經算貼近現實。
大佬一邊護住廢手一邊力揪癲狗既動作係有心思。
最鐘意用警拐一段,可攻可守,配合短刀近乎無敵。
槍林彈雨亦幾乎無浪費一粒子彈,下下靜悄悄爆頭比冷兵器更冷。
小刀狂隊要害都好冷冰冰。
白粉廠咁多架餐齋用拳腳係少啲睇頭。
不過最失敗一段係中間用大刀反而少左擊殺,打黎打去都唔死拖得太長。
以為個主角係大愛撚,但係明明前前後後都割頸N次啦,厭悶左啲。
同埋打完癲狗無晒配樂,好似行街咁走出房,仲記得閂門,都好突兀。
另外大佬比人吹到咁勁,廢左手掌都好揪過細佬,其實應該多啲戲份,多啲描述。
結尾分道揚鑣個SHOT都好正,細佬無望返轉頭,亦無定論到底對黑白對錯係乜,呢下先勁。
「我好清楚黑道既運作,我係呢度可以保護你,去到你地頭,你又做到咩?」
「個世界都仲有好警察既。」
有時啲戲夾硬分好人壞人,邊個岩邊個錯,仲要用一堆對白去懶煽情,其實好難睇。
一句到尾,呢套戲,十分好睇。