Saul gone, James back, where is Jimmy.
個結局比夠100分佢，因為佢完全証實左我既睇法，呢個世界係無得救。
開始既開始，Jimmy都係好人。
最後既最後，Jimmy依然係個好人。
有Time Machine，Mike對拖左Jimmy落水都無過一刻同情。
炸雞叔要搵Jimmy既時候佢唔會表示唔好，但係Nacho佢會婉惜。
有Time Machine，Chuck一樣睇唔起自己細佬，Jimmy可以再努力啲，係咪要一死以謝天下先夠皮。
一心害死對方既係Chuck定Jimmy，因為良心而無迫對方入絕路，最後仲要被人反咬一口既又係邊個。
有Time Machine，Walter只會諗到Regret，有左Time Machine，點先可以証明到其他人一開始既目光就係錯。
如果Jimmy係壞人，係行錯路既人，其他人唔止要被石頭掟死，仲要被石頭壓足五千年。
為左救Chuck，Jimmy三番四次被侮辱，被Chuck謀害，Jimmy無行所謂正路，因為Chuck一直阻住佢。
為左救Howard，Jimmy一直試圖阻止Kim去報復，大家可以重新開始，Kim可以做義務律師，佢咁有責任感，去埋認罪，做乜又要驚Jimmy爆佢大獲。
為左救Kim，Jimmy放棄7年既豪華監獄生活，坐足一世。
Jimmy唔係好人。
呢個世界，只有偽善﹑自負﹑傲慢﹑自私﹑懦弱﹑橫蠻﹑無情無義﹑反口覆舌，先稱得上係好人。
如果有Time Machine，一開始就隊死Chuck，比Jimmy專心攻讀老人法，Howard唔會阻住佢上位，Mike唔會搵到佢，Walter唔會綁架佢，Kim唔會捅完遺孀一刀再推卸責任，又驚到以為人地會供佢出黎驚到腳震，唔使扮做Volunteer，真正加入法援。
好唔好？
好唔好？