睇左大半，已經深感唔比人睇算係造福人群。直至終局終於迎黎一小轉折，如果去埋同女對話就此黑幕，應該會順暢得多，點知再去多一節，又一節，頂唔緊。
以節奏同拍攝黎講其實算唔錯，比起現時好多港產片都成熟得多，特別係用最少既語言去表達最多既野，明明係基本電影語言，反而買少見少。
最大問題係情節﹑思想，甚至成個劇本最大設定都總係覺得不可理喻。點解受害者家屬一眼認得罪犯，而罪犯唔知兩公婆係邊個？又點解校園欺凌既事係強姦案之後都無人知？細位係有返過教會既師母容姑娘又唔識佢，擺明係加害者發訊息師母又無乜反應，處處都好似為做而做既味道。
當罪犯發現牧師就係受害人家屬之後連聲發問「你係咪玩鳩我？」，然後牧師真係完全屬靈地去撚鳩阿樂，不停洗佢腦話佢有罪，帶佢赤腳背十架行山，毫無社會性建設，就知道神﹑教會﹑牧者係幾咁嘔心。而一直表現得低低能能既阿樂跟住做不特止，仲M底到越黎越喜樂，睇黎呢個角色本身就被設定成輕度弱智，再順理成章地發生咁多事。當阿樂輕鬆過西西弗斯上到山之後牧師就原諒佢，又係零社會性變化既時候，明顯呢部戲就係唔講道理，只追求神性。若果話呢個係導演意圖，要人感受牧師既非人道，可以話係相當成功。失敗只在於戲份太長，明明已經唔夠個半鐘，仲充斥住咁多思想教育，可見導演對觀眾都不太人道。
中間經過一個轉折，再三轉折，順便開估埋所有前因後果，基本上就一大直路，除左話牧師既惡靈覺醒太遲，見不得人好之外，都無乜好講。
其中都有一個亮點，就係配樂《Schubert – Fantasy in F minor D. 940》同拍子機用得好夾。另外片尾主題曲都好獨特好襯主題，波多野真心有料。
去到高潮位，令全戲不至於成為高級紅低級黑既爛片，一條線索其實貫穿得極好。「人唔係神，無資格寬恕同原諒。」THAT’S WHY人唔應該講慈愛，話為人好既一律邪惡。