我過了一個開心的晚上同時過了一個傷心的晚上
high大左 因為我好想話比你知我地好耐無見 我真係好掛住你
我覺得我地真係好耐無見了 所以見到你我真係超級興奮
次次見親你 我大多數都會搽左胭脂
而你次次都會話 咦?你搽左胭脂呀?
咁細心既男人係邊度搵?
搽左香水 換左新衫 你全部都知道
有時真係覺得你好神奇
次次你整野比我食
我都唔捨得食 你次次整得都好靚
仲要係勁好食
有時我會懷疑你係咩人黎架?
你ipod入面果kelikolu果d歌
基本上我大部分都未聽過
你對音樂好似有一種唔知咩野
但係你d歌真係令到我大開眼界
亦都令我覺得你好有品味 唔會隨波逐流
仲有你對動物既愛心
你對籃球既鍾情 對人體既知識
仲有好多好多我唔懂得既事同咪道理
以上所有既野令到我好不自禁咁欣賞你
亦都喜歡左你好多既優點
但係原來喜歡一個人先要喜歡佢既缺點係好岩架
尋晚 我講左一D我都唔知係咪唔應該講既野
我好怕下一次唔只係退一步 而係掉轉頭走左去
我淨係知道咁樣你都會好唔開心
所以我決定我唔再講
希望你明白我咁樣只係唔想你再唔開心