hello

又好耐都無嚟喇
因為AL真係好忙同埋好煩
啱啱先打完仗,死亡無想像之中咁慘重
只係英文LISTENING的確好唔掂
但係READING&GRAMMAR又俾我過到關喎,真係不幸中之大幸呀
另外地理咁迆去做都有合格,真係好好彩
另外今日中史竟然做到全班第二高分,73/100分呀,真係好開心,不過今次的確係MISS改得手鬆先有咁既成果
MISS話退一個grade就係實際成績,唔錯,都有個C仔吖,我會再努力架喇,下次要用實力贏上去,做最高分,我橇信做得多自然就會有進步
後日就派中國文化科喇,我對實用文的確滿有信心,但係文化就無咩信心喇,因為真係好難架
希望合格到啦,因為我都寫左兩版幾紙一題架喇
加油努力輸左都仲有飯食
屋企人永遠都俾我最大既支持同鼓勵,真係好多謝我媽咪,希望佢身體健康!
過多幾個月又大考
到時又要上戰場,真係好辛苦,上嚟打BLOG次數都打少左喇
其實我都好希望將每日既事都記低喺呢度,但可惜時間唔多,AL又就快殺到埋身,有個FD已經話自己等死
希望佢真係考到好成績啦!
同埋希望自己微弱既力量可以幫得到身邊既人!

中國歷史

咩都考完咩都完喇
仲淨返中史科未科咋
前日考地理真係愈考愈灰,我發覺條題目問既野我要諗好耐先明白
有d甚至諗左好耐都諗唔明
點解,我呢幾個月究竟做左d乜野,點解會咁
我行返屋企既路途有諗過好唔好放棄,會唔會打工啱我呢...
但我諗到打工其實好辛苦,有得讀書,有機會上大學就梗係捱落去
要知好多人都讀唔到大學,我唔想變成嗰一群,我唔想令父母失望
為左咁,我既精神就如浴火鳳凰般重生,我要再繼續奮鬥!
畢竟今次最後出到嚟既結果真係唔理想,但係我盡過最大既努力去做
況且我做考卷既時候都盡力做到最後一秒,呢個係我既習慣,每一次考試我都唔會早走
就係呢個習慣,令我無悔自己做過既考試卷,因為我真係盡左最大既努力,即使時間都係控制得唔好
但我覺得時間既掌握其實係可以慢慢學習,好多謝英文補習老師,佢既教導真係令我跟得上英文聆聽既節拍
中國文化老師亦教識我寫實用文既手法
!!!
今朝訓到十一點鐘先醒
尋晚玩夜左,一點幾先訓
結果今朝係俾隻貓仔親自嚟叫醒,訓到就訓既時候,就聽到隻貓仔係咁喺下隔床係咁喵,一望落去
我見到隻貓仔望實我咁喵,我阿媽抱佢上去我張床,即刻啺隻貓仔(^∇^)
新一年都希望隻貓仔身體健康!!!o(^▽^)o

デイリー : 110721位

因為我唔識日文既關係
所以一向都唔係好明BLOG既右手邊究竟係乜野嚟0既
所以我之前都有搵到一個日文翻譯網,但多數翻譯之後都變左一堆連自己都睇唔明個意思0既中文字
不過好好彩,上面有個英文
咁我先知原來呢個似係等級之類既東西
以往都唔會望埋去,因為反正都無諗過有人會睇得明我寫既野,而我揀日本blog既原意都係咁
我只希望有一個無人識我既地方,可以畀我自己打一d私人既事
之前一直都見呢個ranking其實經常都係處於六十菁以下
不過今早一開機見到個ranking竟然可以咁高
都唔知應該講咩好,哈哈
今日考地理喇
要盡我所能!!!!

考試喇!!!

!!!((((((ﾉﾟ⊿ﾟ)ﾉ((((((ﾉﾟ⊿ﾟ)ﾉ((((((ﾉﾟ⊿ﾟ)ﾉ!!!
尋日考左中國文化,
文化卷真係好難好難呀,好難先答得好
淨係一個分題就已經三十分,今次實攞唔晒,可能連二十分都無
不過份實用文我都已經盡晒力去做,到時個結果係點都係
老實講,一定會有少少在乎,邊個會唔在乎自己既成績先得架
所以都好希望會高分
今日要考英文喇!係我最弱既一環....今日考Reading&Grammar同埋Listening
好驚呀,今日做份練習都唔夠時間完成
一陣都唔知會點,加上listening咁難,我一陣會做返一次翻聽,睇住份講稿慢慢聽
希望今晚目標達成啦
嚟緊仲有預先老師已提及過好難既一份地理卷講到明份卷係難,死火
仲有無乜點溫過既中史科,感覺上好虛無
希望絕望之中有人拯救我,脫離黑暗
好攰好攰....

感冒風邪

病得五顏六色...
我患左感既呀,今日仲好失禮...
今日返補習班,我又唔記得帶紙巾
喺將要落堂既時候個鼻就開始不停咁流
流到咀又有下巴又有,今次真係大感冒喇
我當時真係諗唔到咩辦法,而且前後左右都唔熟,唔好話紙巾,借其他野都一樣係好難開口
萬一人地唔借或者人地無紙巾,咁咪即係俾人睇到滿面鼻涕既面容....
最後等到完結課堂之後,用手遮實面走上廣場上一層,買左包紙巾,要兩蚊...
我好怕俾d同學睇到我呢個咁肉酸既狀態
滿面鼻涕。・ﾟﾟ･(≧д≦)･ﾟﾟ･｡
希望身邊既人都識得好好照顧自己,唔好俾自己咁易病
希望全世界都身體健康