今日同阿爸出去三聖邨食飯
聽咗好多關於阿爸嘅往事,以前都從未聽過阿爸講關於佢嘅事,可能以前,阿爸想講,係我呢個不孝子懶得聽
以前當阿爸講嘅說話係耳邊風,但我今日真係好留心聽,我真係長大喇
甚至臨走,我都希望返屋企條路會特別長,我希望能夠同阿爸相處得有幾耐得幾耐,我愛佢,我真係愛佢,我甚至為左阿爸以前遇過唔好嘅待遇而憤憤不平,佢口中嘅仇人,我一定會記著!
阿爸經常都教我,欲速不達,凡係心急想做好一件事,呢一件事永遠都唔會做得好
阿爺教我阿爸,如果人地踩你一腳,你要同踩你一腳嘅人講句多謝
聽起嚟好似好傻咁
其實阿爺同阿爸都係一個正常人,有正常思維
佢地咁講一定有佢地嘅道理
當中嘅道理我明白喇,我喺當中感受到佢地嘅愛,即使係離世已久嘅爺爺,我都感受到爺爺對我呢個孫仔嘅愛
爸爸,我係明白架,我唔會忘記!
我想喺呢度同我阿爸講一句,我愛你
我願意將我以後嘅福都送咗俾爸媽,希望佢地倆可以長命百歲,身體壯健,即使神,甚至撤旦,你要我用乜野去換佢地嘅長命健康,我都願意
我嘅福要留俾父母
佢地嘅禍就由我一個人去承受啦
即使來生為父母為牛為馬為奴為婢
我無悔
以往一直對於陳志雲嘅印象都係好負面嘅，但係今日我喺報紙上面睇到陳志雲，不禁心生一份猶憐。
平時都唔會有點樣大嘅興趣去搵一d關於陳志雲嘅資料去睇，今日我打算去搵一d關於佢嘅資料，其實本來都知道陳志雲唔簡單，佢有好高學歷同埋好多經營管理上嘅經驗，實在係一個人才。搵搵吓，我去到維基百科，見到佢一生中五十年係點樣過點樣過，佢嘅人生路滿有仕途，實在係唔錯，我慢慢睇，愈睇愈覺得可惜，原來一直以來佢都無自認過係同性戀，只係外間嘅人不斷咁屈佢係同性戀。睇到呢度，我開始覺得佢好可憐，喺無線高層之中,一定要搵一個出嚟見傳媒朋友，搵一個出嚟開腔回應各種問題，但作為呢一個角色嘅，竟然俾人認為佢係愛出風頭，我突然諗起陳志雲新書發佈嘅當日，有一個毒男形象嘅男人向佢扔書，佢仍然以高EQ嘅姿態笑對該位男士，淨係呢一種行為舉止就值得好多人去學。
陳志雲已經被ICAC捉走左喇,好可能日後都 唔會再有機會見到佢喺電視上出現,如果你問我陳志雲黑唔黑人憎,我可以答絕對唔黑人憎,因為我唔覺得佢做過一D乜野事對公眾唔住,呢次嘅貪污只係佢對自己唔住姐。
再見喇，曾為香港大學辯論隊嘅肥仔陳志雲~希望經過呢件事之後,你都能夠好好活落去
到左今日,二零一零年三月九日
二零零九年,已經過去左成三個月喇
尋日同網友分享左呢個無咩人會知無咩人會注意得到嘅網誌
得到嘅一句讚賞,心暖左好多
曾分享呢個blog俾網友,但呢d網友都唔多
因為我唔想俾太多人知道我究竟諗緊一d乜
總之，多謝呢位網友(朋友)啦
日子一日一日咁過
我又成長左幾多呢?
我發覺我性格嘅老毛病又翻發喇，又開始自大喇
可能係因為成績又比人好喇
唉,都唔知點解呢種劣性始終都改唔好
唯有靠意志力去讀書讀書
要肯定知道自己係個咩都唔識嘅窮書生
窮嘅唔係錢,係知識
要奮鬥落去!
天氣凍左好多啊!希望身邊嘅親人朋友都健健康康啦
哎呀
我呢排真係忙得好緊要呀
真係估唔到升左中六之後既生活係咁痛苦
但係升唔到將來又會好慘喎
究竟宜家我應該點做呢
過左個年假之後,發現原來有好多野仲等緊我去做
中史,中化,地理.....
好多野做
我要加油加油!!!!
