哇哈!

今天又是順利的一天啊
開開心心又一day,而且這個星期接下來的日子也不需回校啊!可以在自己家做自己愛做的事實在太好了
聽日中午播既真情,應該就係播出李子浩既大限喇,我真係唔想李子浩死,見到佢大限將至,同佢媽媽同佢前妻,講既一番深情對話,就知道佢真係知錯,佢想返轉頭重新嚟過,但係個天已經唔俾機會佢,果報已經嚟到,最後佢係被亂槍掃射而死...子浩的確係聰明,可惜佢既聰明用左喺唔好既嗰方面....

蒼火龍

蒼火龍卡呀!!!今日無意咁搵到,係之前買Monster Hunter2 Great入面附送架!
好記得出左呢隻game既時侯就開始同朋友日又連夜又連,仲買埋手指上網同人連,因為咁我識左好多網友,大家一齊組團打獵,真係好好玩,而我就最記得我以一人之力,滅殺G位老山龍,哈哈,我最鐘意用長槍,之後玩悶左就玩重弩,一味碌來碌去,幾過癮架,唔知幾時先再可以同一班朋友一齊玩呢,睇嚟要等到PSP再出mh3既時候先有呢個機會喇ヽ(;´ω｀)ノ

燒肉切雞飯

燒肉切雞飯盒,(*^-^)b
我最鐘意食呢個燒味飯盒架喇,呢張飯盒既相都已經係上個月既事囉,記得嗰日老竇晏晝買返嚟俾我食,我好記得嗰日,因為就係嗰日,我做錯左事,但就以為係老竇記性唔好所以以為我做錯,其實係我記性唔好先真,事後我都有道歉,而且嗰日都受感動,打左篇網誌喺呢度,望返呢幅相,我淨係睇到兩個字,就係"幸福"喇!(b^-゜)

珍寶黑椒將軍漢堡

哇,個包個名累贅又長,買既時候我索性叫珍寶黑椒算數(・∀・)
呢個包係我由細到大每年都捧場,因為我實在太鐘意黑椒既香味,又唔知點解M記既黑椒堡真係特別好味!
可惜貴左D,如果唔係都會多多幫襯,.....成十八蚊先買到一個包......犀利囉!!!!

閱讀能力

講返尋日
阿sir派返份閱讀能力,我自己都知會有收到咩成績架喇,因為我今次做得好馬虎,我以為唔會講分數排名吖嘛,做到隻狗咁都唔會有人賞識架啦,點知今次讀左分數排名,早知就做好d,俾個好印象阿sir啦,結果,我見佢派返份閱讀俾我既時間塊面好似黑黑地咁,睇嚟佢都認定我係馬虎架喇,哈,最多下次勤力返d去做囉,經過今次之後我唔敢再咁馬虎去做野喇,點知會唔會又讀分數排名架,哈,我目的唔係想俾人知我幾咁好成績,而係重視一種自己贏到既肯定,而呢種肯定要係出於阿sir既,所以我立即為左呢次既馬虎唔開心左大半堂,最後都諗通左喇,今次都係馬虎出事,下次絕不馬馬虎虎(^-^)/