今日都係做lisyening,不過我仍然都係進步得好慢呀,點算呢....可能真係用時間慢慢去聽慢慢去做先得喇,又係既,進步又點會嚟得咁快吖o(^▽^)o
今日又見到心儀既扭蛋機呀,今次係槍,竟然扭中左我最鐘意既嗰一支,真係好滿足呀(^O^)/
綠色嗰支係之前扭既,又係扭中最鐘意嗰支,睇嚟我都幾有槍運( ´艸｀)
今日又見到心儀既扭蛋機呀,今次係槍,竟然扭中左我最鐘意既嗰一支,真係好滿足呀(^O^)/
綠色嗰支係之前扭既,又係扭中最鐘意嗰支,睇嚟我都幾有槍運( ´艸｀)
今日拎返部佈滿塵既PSP,玩返久遺既MHP2G,打左一場黑狼鳥,估唔到唔洗貓車返屋企之餘,用左七支大回復藥同十支細回復藥就搞掂呢隻G位黑狼鳥喇(^O^)頭應該係全爆,同埋爆左一邊翼,但最尾佢俾左兩隻剛翼俾我,雖然無用,但無所謂啦,到宜家我都仲係好鐘意玩呢隻game,真係好鐘意,呢次黑狼鳥G位大作戰全部陷阱包括爆彈都無用過,純粹用劍同佢分勝負,贏得好開心,好有滿足感ﾍ(ﾟ∀ﾟ*)ﾉ
今日星期六,唉,可以話係喺一週入面最悶既一日,呢一日電視又無節目,鋼煉FA又要又要等到十二點幾先有得睇,正確D嚟講過左十二點既時候都已經係第二日啦,即係同星期六無關,加上套動畫咁夜先播,睇埋既話咪要好夜訓,而且我呢排成日都有暗瘡,原因都係食得太多熱氣既食物同埋夜訓所引致,係,睇嚟都應該早D訓架喇,唉,好悶呀,一陣晏晝都係溫書溫書再溫書啦,近日聽講任天堂既心金同魂銀save方面好似出問題,有好多人喺呢幾日一開機就無左個save,我宜家都驚緊,因為我餅正版帶同有問題既正版帶既number都係一樣,我好驚一開就同我講個save無左...所以都係少d開喇,宜家喺R4度重新玩銀魂,估唔到重玩之中都仲有樂趣,哈,
頭先隻手仲係抽筋既時候,我都覺得幾驚架,我驚隻手會唔會好耐都復原唔到,會唔會要攞D錢出嚟睇跌打先會好凡大返呢?,之後,我用好多方法,又遢過大力捽自己隻手既患處,之後用力推隻手掌,好大力咁壓落去,點知....隻手竟然好返,實在太開心喇,終於無事喇,因為香港衣食住行樣樣都好貴,睇醫生就更加之貴,有時窮人真係唔可以有病,因為去到醫院,睇急症都要一百五十蚊,政府用呢個方法無形中同你講"窮就唔好病啦",正確,窮人真係唔可以有咩三長兩短,有起病上嚟,想求醫?等你真係病入膏肓,昏厥街頭,等白車主動送你去醫院先講啦,有時去到醫院,又唔代表你即時可以接受診治喎,.....唉,總之窮人就真係唔好病啦,真係好麻煩架