鬼太郎

鬼太郎
記得以前細個睇鬼太郎好多時都因為首主題曲太陰深而唔係咁夠膽睇,加上主角個樣都唔似係正常人,正確,鬼太郎的確係妖怪,但係愈驚就愈想睇,於是睇睇下,都唔覺得太恐怖,仲記得亞視既配音,同埋首中文歌詞既歌,
早排我喺網上見到有另一套鬼太郎,叫做墓場鬼太郎,共十一集,睇落個款好似好舊咁,十一集,好快就睇完,發覺墓場鬼太郎入面既鬼太郎比起型仔版鬼太郎更適合叫做鬼太郎,因為墓場鬼太郎個樣真係唔討好,又奸,連收養佢既養父都視為無物...型仔版鬼太郎就係極之重情,處處為人類著想,戰鬥力仲比墓場鬼太郎強數倍,
我比較鐘意新版既鬼太郎,因為畫功真係比較好d,同埋無墓場鬼太郎既陰險,而且一集比一集新奇,集集都有新妖怪,都幾得意吖,雖然係小學館既動畫,不過無所謂,我都係照睇可也,總之自己鐘意就okay架啦(o^-')b

電腦快要壞掉

唉,呢幾日開電腦都唔係太順利
好多時開左主機但係部主機都唔識郁,load唔到入去windows
唉,睇嚟有一段日子都可以上唔到嚟打blog喇,呢項係我唯一開電腦既動力,唯一喺互聯既興趣...都要失去....

happy!!!

早排見到呢一張圖,真係幾得意架
尤其係近視既人睇先會感受到箇中樂趣(・∀・)健全人士係無辦法體會得到架(・∀・)
當你拎走眼鏡既時候你就會見到一個女人,戴返眼鏡既時候就見到愛因斯坦o(^▽^)o
係咪好神奇呢?
有時就係,易地而處就會有新一番既體會
好似當一個人身處幸福,佢就會覺得幸福係必然既,就唔會點樣去珍惜,於是就開始對幸福既生活不存珍惜之心
當佢人生走向低谷,幸福捨他而去,雖然好多不如意之事會接踵而來,但係亦都因卜心此可以趁呢個機會用失望既心情去睇一睇呢個世界,可能你又會有一番新既體會,當幸福再來,你就會學懂珍惜
希望身邊所有人,希望支持呢個blog既各地朋友會有一個幸福既人生(°∀°)b
當你覺得你已經走上絕境,無人伴你走路之時,你要記得,地球上的遠方仲有渺小既身影一直支持你,那人就是我,記得呀,唔好唔開心,因為總有人伴你走(・∀・)

斑馬扭蛋

哇,今日行過商場又見到有新扭蛋,今次係草原野獸,抽中左斑馬呀!!!
真係好想全套咁買左佢,但係太貴喇,過一百蚊,都係扭左一隻就算,唔好用太多錢,父母搵錢艱難呀
睇嚟我同阿媽件事已經化淡左喇,大家都有一句至兩句既對話,始終都係屋企人,唔會計較大家既長短
即使鬧交不留餘地,但事後仍然關心對方,咁先係家人嘛,舊事已過一切都成了新的了!!!

幽遊白書

幽遊白書
以前細細個既時候已經成日玩GB既遊戲,其中亦有玩幽遊白書既暗黑武術大會,仲記得當年為左令戶愚呂弟同藏馬變身禁掣禁到隻手都紅晒,仲未知個禁法,最近有機會喺網上睇晒一至一百一十二集既動畫版幽遊白書,總覺得後期魔界篇太草率喇,好似趕著完左套動畫佢咁,我最鐘意睇戶愚呂篇,最尾既決戰真係好熱血呀!!!可惜戶愚呂最後都係戰死,喺地獄遇上幻海既一幕真係令我覺得好感覺呀,佢除低眼鏡回望既嗰一幕真係好令人感動呀!!!戶愚呂都唔係大奸大惡,只係佢阿哥衰,原來佢一生為左不死既自己而生活得好痛苦,希望有一個人能夠靠自己既實力去了解佢既生命,嗰個人就係浦飯幽助
仙水篇呢,仙水真係好強,最後用聖光氣,又有副甲買個主角都唔係佢對手,原來佢患上惡疾不久人世....喺生命完結前同幽助打個痛快
魔界篇入面,我最鐘意黃泉,好型呀!!!可惜盲左,最後佢都歸正同佢個仔去旅行....就咁就完...
初時既幽遊的確好好睇,但最尾真係遜....不過都多謝呢個作者,幽遊白書係我既童年既組成部分(・∀・)