終於睇晒喇

今日終於睇晒本聊齋喇
最尾幾個故事都比較長,今日花左兩個半小時就把餘下的故事通通看掉
我對一些恐怖短篇故事書籍實在有濃厚的興趣,很希望能找到另一本就如聊齋的書
最近突然想買高達模型砌一下,看上那盒MG獨角獸,價格只要低於三百元我會打算入手
獨角獸UNICORN實在太型喇!!!

聊齋志異

呢排少左上嚟打blog,因為我搵到一本我一直都想搵時間去睇睇既一本書
呢本就係聊齋志異喇,係中國名著之一,內容多講述鬼怪與人類接觸所發生既件件怪事同故事為主
而且每一個故事都係短篇既,所以唔洗五分鐘就可以睇完一個故事,內容多係人類接觸唔到既話題
因此亦特別能夠吸引人,而且每一個鬼怪故事都有寓意,巨教化作用,真係一本不可多得既好書
我已經睇到二百頁左右喇,仲有幾十頁就睇完,之後我會睇另一本名著,就係水滸傳,到時我希望能夠搵到更大既樂趣啦!

即使話係彩圖,但係每一個故事就只有一限彩圖,以文字為主

畫皮

富貴門大結局

真係無想到最後沙富來無死到
可算是TVB既大突破,因為TVB既劇不嬲都係惡人有惡報
但今次沙富來就只係失憶,最後仲可以同弟弟沙寶來一齊共度餘生
我睇到呢個結局都覺得好滿意,實在令我喜出望外,希望羅嘉良再拍更多好劇集
咁我地觀眾們就有眼福喇,最近羅嘉良又離婚又結婚,可能好多上左年紀既女人會覺得佢用情不專
但一家唔知一家事,家家都有本難唸的經,有好多事都係外人唔清楚,所以都不便評論
總之一句到尾,羅嘉良,你係得既!!!
仲有羅嘉良親身唱富貴門既一首主題曲,真係好好聽
歌名係-差一剎的地老天荒
歌詞同旋律都屬佳品!
希望多D人鐘意,多D人欣賞

差一剎的地老天荒

追追 趕趕 推推 撞撞
目空一切 理想燒光
真真 假假 跌過 痛過
愛的花火只給我願與望

天黑 天光 天清 天蒼
曾經廝守 暗地嚮往
可惜這夜 煙花已謝 沒法被仰望

差一剎我信地老天荒
只差一步慾望幻化星光
誰和誰存活愛 誰和誰埋沒愛
天堂在哪方

我怕就怕 失望
其餘一切也不枉
所有代價 通通捨割
心血都流光
抺去代價 撕掉稀罕
忘情才游到彼岸
我命裡 貼不出因果
真假如浮雲天也在看

港足歷史性於大型賽事奪冠

好感覺呀
今日真係睇到我想喊
港足終於踢得到喇,終於成功喇
香港呢個地方絕對唔重視足球,所以對於給予足球既經貴都特別少
但係喺咁惡劣既情況之下,佢地都仲能夠繼續為自己既夢想而踢好足球
喺逆境之中掙扎求存既香港足球隊,今日竟然仲可以屹立於球場
而且即使氣力用盡,都踢好每一分每一秒,最後仲戰勝日本同南韓
贏得全港民眾掌聲及以血汗鑄成既金牌
我覺得香港足球隊真係創造左一個奇蹟,而且仲話俾全世界人知
香港足球唔係一潭死水架
同埋,呢一種喺逆境中仍然能夠生存既精神真係應該學習
好感動!!!

天照