^^

病病終於走了...不過仲有少少...希望快點咩事都無...
今天我的上司同我講...會將我的人工調整...好開心呀...
我既努力終於見到有收成啦...我要再加倍努力...比心機...
做多d成績比大家睇...幸運寶寶繼續保佑我呀...
哈哈...我..一定會成功的...加油...我知道有好多人支持我架...^^
星期一開會呀...我好緊張...一定要順利渡過...相信無問題架...
在公司裡..認識了一位新同事..."janet:"..同佢都幾好傾...
有講有笑...唔錯...希望同佢都繼續咁好...嘻嘻...

11/4/2010:一家大細開開心心去迪士尼

11/4是開心的日子...我們一家人
(爸爸,媽媽,細佬,家姐,柔柔,姐夫,老公,仲有我)去迪士尼...
早上9時鬧鐘響了..但賴床睡多一會...電話響起..
原來是媽媽打來的...他們已經起床了....媽媽問我起床未..
我回答"現在起了"..之後叫醒老公...一起梳洗....
看看窗邊..很陰天...還有少少雨...又話間中時間有陽光...很擔心會下大雨..
然後整三文治...因為諗住晏晝可以食...我地整"火腿蛋三文治"
一共整了十二件...睇落個樣都唔錯..哈哈...
跟住我地開始換衫了...同老公著情侶裝...嘻嘻...polo恤...
執拾好一切...10點左右便出門...出到去還有微雨..心情有點低落...
我們去大快活吃早餐...好耐都無試過咁早同老公去食早餐了...
很好味呀...食飽飽了...離開後..看看天...噢...雨停了...心情開心了...
媽媽打給我...問我是否吃完早餐...他們都差不多吃完早餐了...
我說"去屯門西鐵等他們"一起搭西鐵...大約11點幾左右便到達屯門西鐵站...
他們都來到了...一起乘西鐵...大家開開心心傾計計...到了南昌站...
我們再轉東涌線...之後到了欣澳...我們再坐迪士尼專車到迪士尼...
過了幾分鐘...到達了迪士尼...哈哈...好開心..柔柔好開心興奮...我都係呀...
大家再鐘樓下拍攝相片....然後我們出閘...向迪士尼出發...
柔柔先換上公主服...嘩...柔柔好靚女..好可愛..好高貴呀...旁人見到柔柔都讚嘆...
更有些人取出相機拍攝...另外有些人要同柔柔合照...柔柔真是受歡迎..
之後在門口前的噴水池拍攝幾幅照片...然後我們入場...
我們先到周圍逛逛...周圍拍攝...而大家姐便幫我們取機動遊戲的優先劵...
咁樣可以不用排長隊..就可以先入去玩...大家姐打比我..
叫我們快到米奇金像獎..就快可以入場..但因為我帶錯路...搞到人地已入場先到...
家姐個刻有點生氣...sorry..家姐...但最後都無野.....我們在門口等了幾分鐘後..
便入場了...好彩我地唔係坐好後...都有good位...哈哈...開始了....
好期待呀...卡通人物進場了...唐老鴨同柔柔握手呀...柔柔好開心..
嘩...泰山好大隻呀...仲捉住條繩係咁轉..犀利...每個精彩環節都好好睇...
大家都睇很開心...完場後...我們便到一下個節目..就係玩"咖啡杯"...
排隊只係排左一陣就到我地啦...柔柔好開心呀...我地坐藍色既咖啡杯....
未開始既時候..老公已經係度轉個盤....我地就係度轉呀..轉呀...
開始了...嘩...轉得好快呀...我仲大叫添..已經開始有點頭暈咁...柔柔轉得好開心 ...
笑得好大聲...細佬同老公都笑得好大聲...家姐同媽媽在旁睇我地玩...幫我地拍短片...
佢地都睇得好開心...咖啡杯停了....噢...好暈呀....但佢地無野...柔柔仲想玩多次...
不過我地話玩第二樣...之後我地玩"小飛象"....我地就跑去排隊喇...都係排左一陣到我地...
我同老公一架..細佬一架...家姐柔柔一架...爸爸媽媽一架...開始了....大家又上又落...
老公玩得好興奮...係咁上係咁落...突然..小飛象"cut"一聲...唔知做咩事...可能比老公整到有聲..
哈哈...小飛象停了...之後我地坐下休息一陣...食下野...大家都話三文治好好食...嘻嘻...
媽媽就買左粢飯...唔..好好食呀...跟住影下相...然後我地向蜜糖罌出發...
因為家姐之前拎左優先劵..所以可以入去玩先...點知同家姐個架..間左一架....
唔緊要啦....嘻嘻...好好玩呀...我地一起對住個大相機影相...1,2,3,yeah!!!
到站了...我地去睇番頭先影個張相...嘻嘻...個嗰都好得意...好開心呀....
之後我地去玩巴斯光年打壞蛋....家姐同姐夫唔玩..佢地去買熱狗...我地就去玩...
好順暢咁已經入到去了...我同柔柔一架...細佬同老公自己一人 一架...爸爸媽媽一架...
開始打了....大家都好努力取分數...射呀射呀....柔柔好叻叻...都有2千幾分...我都有萬幾分....
大家都好高分喎...叻叻...之後會合大家姐...e....巴斯光年呀...我地排隊影相...
到我地了...柔柔先影...嘻嘻..巴斯跪向度牽著柔柔的手...之後柔柔親巴斯一啖...嘩...
我地影左相呀...好可愛呀...然後我地全家同巴斯影相...跟住老公同細佬單獨同巴斯影...
擺出有型的姿勢...之後我同老公去買熱狗食...好好食呀....柔柔在bb車上訓一會...
我地再這時候...我地去泰山屋...柔柔之前玩過..所以由她睡一會...家姐姐夫都唔玩...
佢地都休息一會...咁我地就去玩...我地上左獨木橋...向著泰山屋出發...下船了....
首先有一個瀑布...然後我地沿著樓梯..參觀泰山所居住的樹屋...嘩..有一隻豹呀...
大叫呀...好惡呀...跟住...泰山媽媽抱著泰山仔...再行...泰山大個了....都幾型呀...
參觀左泰山所有既野...樹屋好靚呀....我都想試下住..不過好高呀....之後我搭船回去了...
家姐係舖頭買左個美妮婚緲版的頭緲頭"cool"比柔柔...我地叫醒...柔柔唔願起...我地買米奇雪條比佢...
佢就起身喇...幫柔柔帶上頭"cool"...再襯埋件公主服...嘩..好靚呀...我地再去米奇狂想曲出發...
睇3D...我都好鍾意睇呢個架...我地足足睇左兩次..每次睇柔柔都睇我好開心...嘻嘻....
因為我地要在放煙花前食野..所以我地去食野先...去公主餐廳食...我地坐出面...裡面個環境好靚...
我同老公去店舖贂下...好多公主野買..老公送左個公主扣針比我...仲有送左個公主掛頸証件套比柔柔....
之後行入餐廳睇下...原本諗住叫佢地搬入黎食...不過佢地叫左野食..費事搬黎搬去....
我同老公在灰姑娘石像下影番張相...好靚靚..環境好浪漫...我地擺番好d野...之後去叫野食...
我同老公都叫左雜扖餐...大家同姐夫都係....都唔錯呀...好好食...食完野之後諗住去玩木馬...
點知就要關唔比玩...唔緊要啦..下次先....就放煙花了..我地行出去...今次唔係城堡前睇..而係城堡後面睇...
家姐話係後面睇比前面睇震撼得多...即係好近距離睇咁...開始了...天上不斷發放燦爛的煙花...
再配合音樂...真係睇到我地讚不絕口...真係好靚..好震撼呀...家姐果然無介紹錯...
我地都睇得好3心..好興奮...煙花過後..去過洗手間後...我們便向大門離開了...因為夠鍾關門了...
在沿途上..又有人同柔柔影相..個小姐話"今日睇到咁多個公主...最靚個嗰就係你喇..你好靚呀"..
哈哈..大家都好開心...在走前...我們在入去舖頭睇下野...我買左個三眼仔車仔比老公..老公喜歡啦...嘻嘻....
之後我地去睇有得買玻璃鞋的舖頭...嘩..好靚呀....老公就拉左我入去....d玻璃鞋有大..中...細size...
家姐覺我中size個款靚..老公問我鍾唔鍾意...嘻嘻...我點頭...老公問我買個嗰好無...我無答佢...
因為都幾貴架...都要$!50...老公就話"要呢個呀..唔該"..職員便包裝好...付款後離開了...
個刻...我真係好感動..好開心...無諗過我會擁有一隻玻璃鞋....我真係好像灰姑娘...真係好開心..好感動...
多謝老公...然後柔柔便換上衣服...之後大家懷著開心的心情回家去...大家都會很難忘今天的迪士尼之旅..
因為大家實在玩得好開心..好興奮...我地下次再一起去....希望可以快d再一起去迪士尼...
這天晚上我回到家開心感動到哭了出來...老公真係好鍚我...我都好錫老公架...我愛你呀老公...多謝呀...
仲有今天影左好多相呀...不過要我執好先...下次再post出來比大家睇啦...