我永世都記得今日既21比0呀

今日我真係好眼訓...我約左阿豪同傻鴨10點半唱k，不過尋晚煲戲煲到早上8點先訓，傻鴨又遲到，我地差唔多12點先到富豪個間neway，不過佢話個k-lunch冇哂quota，得happy hour，飯又冇得食又要計nuts仲要唱到差唔多時間，我地走左後便行去新城市廣場打下機，嘩可能同阿豪特別夾，我第一次可以玩到5關!!感覺好正~跟住走去6樓國美探阿哲，傾左一陣計我就去左五十嵐食飯。貴平時一至五$2蚊，我地食完返左屋企休息左一陣就落去打波了。

噩夢終於來臨了...我約哂歐陽佢地今日真係好齊人，我同傻鴨阿豪跟隊打，到我地個陣時我地竟然可以羅到個21比0，當然我地係0啦...好慘好想發癲，真係估唔到會有咁既下場...不過佢地之前就打到慶恰恰，我地未熱身就入去打仲要我地3個都冇一個熟籃底，籃板球輸哂不在話下，跟左都好耐隊我地兩隊原班人馬再鬥多次，今次我地終於都有番d睇頭了~打到20比20再加時7分，雖然都係輸左但我地成日可以夾到位同準左好多，果然...有必勝既心去打係唔同D，成個人既動機會提升好多唔會懶洋洋咁企係度睇波，而傻鴨今日亦因為3球三分波而聲名大躁成為左今日既MVP。打完呢場我地去個第二個場又打，佢地走先得我同班陌生人打，真係打到夠哂皮，我亦係個度做左MVP。

返到屋企沖個涼又食飯了，今日好好餸但可能打完波冇乜胃口食。真到夜晚我睇冰之驕子個時訓著左了，去到一點半先俾女秘書打電話叫醒左，同佢傾左一陣電話，仲叫我3點前好打埋篇日記就即刻訓~衰野!!

我做到左勒!!你睇下個日期，嘻嘻~今日都係早D訓唔睇戲了，晚安勒咁多位!!

第一次報案

今日原本約左gloria去黃大仙映相但因為太大雨關係所以取消左，而我亦都因為見冇野做所以去報警勒。我首先入到去俾我既感覺就係冷氣夠，梳化又軟係度睇報紙真係一流，好勒去個位坐低話報案，佢地又話麻煩我坐多陣因為交間，等左約半個鐘度終於有人理我勒，呢個警察編號33663好好記，首先聽完我講個個故仔，本來都好地地，跟住有個三條柴既走過黎又問下咩野事，了解完之後佢同我講既野簡直係令我覺得佢好癈柴而且有點"今時今日既服務態度"既感覺，又話咁我地做野每樣都要跟程序架嘛等等等等好推三推四既說話。但個33663就首先幫左我落個好簡單既口供先跟住再打電話去CID個面，跟住個阿SIR了解左情怳之後就話叫我等佢，佢一陣黎接我落口供，我一等就等到差唔多成本MILK都睇完先到，原來係一個肥佬。

總結今日得出黎既結果，就係報案=多膠魚，終於知道咩叫警方，我唔係亂講!!佢地首先就話如果件貨寄左去外國咁就好難拉因為我地冇權咁做，跟住我話可唔可以快D因為我依家仲有少少能力可以引到佢出黎跟住佢又話我地做野要跟程序要填表架嘛唔急得....去到個CID我又問佢佢又話HCHECK IP 可以CHECK到個地址佢又話冇咁既科技，跟住我答佢咁香港D人DOWNLOAD野你又可以CHECK到佢位置拉到佢既，佢口啞啞左一陣又答我呢D係好大規模先會咁做，我地跟本就冇咁多人力物力資源(一部電腦加個人仔都叫多資源?@@)，呢D咁細既CASE我地係唔會用到只係可以協助你....嘩...我想問呢D咩野答案黎?越答越無謂D答案推黎推去，仲要攪到我6點足足4個鐘，生不入官門呢句說話真係啱...

今日就係咁過左了....