完全新手，純作個人分享，如有錯漏，請諒。
香港既環境，未必人人有條件設立固定既短波天線，去郊外設立臨時電台，即使唔係大熱天，對唔少城市生活開，少運動既朋友黎講，亦未入係一個好好既體驗。再者，投資一部性能良好既短波收發機都唔係平，咁響財力，時間，體力都有限既情況下，係咪完全冇接觸短波通訊既機會呢？我咁講得就當然唔係啦。。。
只要有部上到網既電腦，即使Raspberry Pi都得，就可以借用全世界既Kiwisdr黎收短波訊號。
今次就以Raspberry Pi黎試玩
1。 當然係一部上到網既Pi, 個人建議用Pi4 B+, Pi 3會有點吃力。想經濟d可以試試上網搵二手，運氣好的話，Pi3 都係$200甚至再平d。3+ 性能上同3唔差太遠，慳得就慳，又或者直接買4，但要注意散熱。
Pi4B+ Mini HDMI 插座
Pi3B 普通HDMI插座
2。唔想煩既，可以直接爆個HamPi image落張Micro SD咭度，入面預設左好多業餘無線電軟件。張咭唔需要太大，16G都夠。
燒錄軟件可以用
3。直駁Mon又好，VNC入去都可以，我今次係經HMDI駁電視的。
4。Keyboard 同 Mouse
爆左個影像檔落SD咭，就可以放入部Pi度，正正常常既情況下，駁好晒野俾電，等一陣就會見到類似畫面
第一次會問你d基本野，例如地區，語言，WiFi之類，乖乖地答晒就得。之後系統會上網更新一輪，跟住問你是否reboot , 照做就係。
Boot完又見返舊大火腿，Click左上方粒樹苺右邊個藍色圖案開Browser就可以上網搵免費軟件無線電KiwiSdr
選擇時留意返該SDR Server同要接收既短波電台既實體位置。輸入想接收頻率（記得選返適當Modulation），亦可以參考上面Tag左既頻率。
香港可以收到日本JMH
HamPi預先安裝好既Fldigi同HamFax都可以將接收到既音頻訊息轉返做Fax圖像，今次就試下玩Fldigi。
選返576呢個，跟住就等收Fax喇
第一次玩，收到有野睇都滿足了。。。
收到打風咁，好大原因係因為音效處理唔穩定，純粹體驗性質玩下都可以接受既。
上面呢兩張圖係用幾十蚊貨仔既USB sound card黎處理，似返d樣。
唔單止天氣圖，新聞報紙都有的，例如日本讀賣新聞，在此就不作詳述了，有興趣可以自行搵資料。
FT8都可以用呢個方式接收到的。