呢幾日又熱返la.
不過, 今日突然又落左場大雨
最近, 我鍾意天黑黑, 想落雨ge感覺.
因為咁會無咁熱...
呢個世界真係開始變得悲哀...
人竟然寧願天落雨都唔想太陽曬....
希望 我有生之年唔會見到世界滅亡la
今日又係上日文堂GE日子!!
今次呢堂日文真誇張... 書都有四本咁多...
但成年, 四本可能差唔多!
今日上堂留意到有位同學用日式手提電話.
唉, 我都好想要呀...
本來諗住一揾到工就買一部送比自己...
希望自己快D揾到工la!
HA HA. 呢張大豬POSTER 就係0係我平日上完堂之後會去食炸豬排GE食店內的.
的確真係又搞笑, 又可愛, 但個樣就好似好醒目咁.
講起豬, 我諗好多人GE 第一個印象一定係好笨GE 動物
但其實呢個印象係幾時開始留在我地GE 腦海中呢?
可能係好細好細個GE 時候, 父母同周邊GE人都以豬黎代替笨黎形容一D人或行為
但其實, 我聽過哈佛大學曾經做過實驗研究豬GE智商.
佢地更發現原來豬未必係人們心目中咁笨, 反而可能係種聰明GE 動物.
你會唔會好驚訝呢? 原來豬係好醒GE!
其實, 好多時, 我地對好多事情GE 認識都係一D印象,
無任何合理根據的確
好似我之前好醉心研究GE 自閉症咁,
好多人都對呢個病症都唔了解,
更有人會睇到個名之後自己去演繹呢個病症GE 表面意思,
以為患自閉症就只係唔鍾意社交, 留係家中咁簡單.
或者... 有些好內向GE人用自閉二字去形容會好貼切
但並唔代表"自閉人" 就係患有自閉症.
要解釋自閉症係咩睇黎就要用好多好多時間同筆墨, 所以我都唔打算今日講.
不過, 最緊要GE 就係要不時提醒自己,
千萬唔可以對任何事件睇得好表面
要深入了解.
否則可能會令自己一知半解之餘, 亦令自己變得好膚淺.