Rules of the Game

猴年到了
大年初一鼓起勇氣做咗件事
之前喺蓮花宮求果支簽上半part真係好準
『思前想後不敢為』
講中咗我成日就係諗得太多顧慮太多
明明一件好簡單嘅事我卻要諗好耐好耐
唔好睇我對住你時悠然自得
其實我暗地裡好怕行錯一步
就會滿盤皆落索

既然上半part咁準
期待下半part都準埋🙇
我等你呀貴人🚶❤❤

哈哈…我幾時變得咁迷信？
不過學Jenny話齋
This is rules of the game

食飯有話兒

琴日出街食團年飯
同枱有個百彈齋主真係好煩
好食又唔見佢出聲
唔好食就係咁講
E.g. 個餅唔脆嘅…個汁太咸囉…d雞有陣味
好煩呀你可唔可以收聲靜靜地食餐飯呀?
你阿媽無教你食飯唔好講嘢嘅咩？
明明我覺得d嘢幾好食
俾你彈完d嘢無啦啦好似真係變咗唔好食咁
有個咁-'ve嘅人坐喺隔離咩幸福味都俾你破壞晒

Btw, 其實呢個就係我阿媽
可能婆婆真係無教佢所以佢先會咁
好煩好煩
不過最近開始發覺
佢哋開始變老了
所以雖然燥底…還是忍住了
只是在這裡呻呻吧了

迷津bye bye

心情轉了運也轉了
今日特地請假去咗大坑一趟
好開心呀！
因為原來師傅二&四放假
之前高兒一直都想二/四去
係我堅持要星期三
就係咁就見得成了!!!!
My luck is back!!!
無浪費到今日嘅假期😍

見完仲開心
雖然有好有唔好
但係有好多得著
不枉我排咗咁耐!!!!
師傅仲話我將來嘅第一個bb
係超高質素嘅bb
無論genes…
智商樣貌定素質都係超班的
仲話我之後會行運同好幸福
呢個師傅聽聞好準的
如果真係中…
我每年都返嚟搵你多謝你😃

經師傅指點迷津後
個心定咗好多
之前矛盾嘅唔知點做嘅都諗通晒
決定交學費努力挑戰自己
明天立春了
突然覺得2016年將會係好好嘅一年
Yeah!!!😎😎😍😍