土地問題

呢個人…同我媽咪把尺一樣😑
話說今朝我同媽咪講
佢朝朝睇完雜誌都亂放係門口著鞋張椅到
阻住人著鞋
初時佢死口唔認無手尾
但之後可能諗起自己可能真係有
就講: 咩唧…間屋又唔係大…係會無手尾架喇

真係吹漲
平時我一次半次唔記得擺好d嘢
就俾佢鬧到上天花板
佢依家朝朝係咁
我同佢講叫佢唔好再亂放
就係間屋唔夠大嘅問題
你唔好話係土地問題😒

度人同度己把尺完全唔同
Fine😑

一輩子的畫面

愈睇愈覺得左邊個女仔嘅性格同我好似
點解會追…但又會逃…會緊張…會生氣
然後又不忍心繼續生氣…又繼續追
簡直係一模一樣
有睇<太陽的後裔>嘅人就會明

琴日明明幾個鐘前先打爛醋埕
講電話講到醋底兼燥底
點知只係一個msg
你真係放低手頭上嘅嘢即刻飛車過來
除咗感動…我諗唔到第二個形容詞
好耐以前我講過
有d畫面係會記一輩子
而琴晚嘅畫面
應該係其中一個
多謝你咁緊張我

有時誤解與理解
只係一字之差
願我可以理解你多一點
懂得見好就收
多從『你』嘅角度出發
把欣賞你的都說出口不收藏
也願你可以理解我多一點
明白所謂嘅無理取鬧
其實也只為了想你哄
不_ _
誰有空無理取鬧?

不過話雖如此
有d底線
我還是會堅守的
團結!

復活節旅行

喺台中叉完電之後就到復活節假期
今次輪到Ada bb來香港叉電
天公造美…天氣好到不得了

帶佢哋中上環一日遊
隨便膠遊…一齊盪失路
亂飲亂食亂買
影相扮文青
就好似自己都去緊旅行咁
好好玩好開心

講咗成日國語
返到屋企同老豆講唔番廣東話
掙扎咗陣之後講嘅廣東話係唔正架
好搞笑
我終於明白點解Ada一直都學唔識廣東話
原來真係好難