我的暖男

好耐無update

因為最近整個人的時間都比這男人佔據了

我的暖男🙋🏻

緣份嘅嘢真係好奇妙

當被身邊人

特別係paul gor/ matt gor/ yota gor 仲笑緊我宅

係咁吹我拍拖鼓勵我去蒲去玩去飲酒識男仔

叫我唔好成日留喺屋企睇書嘅時候

無啦啦狗屎撞棍俾我識到平平呢個咁好嘅男仔

仲要同佢一拍即合...夾到不得了

令我更相信「上帝早已預備」呢樣嘢

上帝當初介紹之前的他們我識

讓我們相戀然後要我們分開

其實就是想我在遇到對的人前預先練習

當我將想法、性格、心境等都調整到一定程度後

才把對的人介紹給我

他的好剛好是我喜歡的

我的好剛好是他喜歡的

就像命中註定一樣

一切也是剛剛好...不遲也不早❤️

雖然唔知會唔會同佢行到最後

因為我哋仲有好多嘢有待了解

不過呢一刻感覺很對

你哋唔恨得咁多😜

meditation 初體驗

補記番之前去momo婚禮觀禮嘅嘢先

唔計出job

今次應該係我第一次去教堂觀禮

中大崇基堂

好靚原來！

馬鞍山為盟...吐露港為誓

哈哈...風趣的Father 

夜晚去Jolly家食海南雞

好勁呀！整得超好食！

仲發現咗原來阿當同我都係7月18!!!!

又多一個同我同一日生日嘅人😂

終有一日我要約晒我識嘅7月18一齊慶生先得！

Jolly 家d 酒又係正嘢

連唔飲酒嘅我都飲咗少少

果支18年嘅日本梅酒好鬼正！

大家飲飽食醉之後

就一齊玩meditation 

第一次玩...估唔到咁有意思

被Jolly guide 住我哋去諗嘢

開頭係諗一堆自己討厭嘅人

由出世到現在所有你憎嘅/ 曾經傷害過你的人/事

然後一步一步跟住佢講嘅嘢諗落去

最後...仲需要同對方講4個字

I Love You, 

I'm Sorry, 

Please Forgive Me, 

Thank You

Thanks for my goldfish memory

其實我諗起嘅嘢真係唔多

記得嘅都係d好近期嘅嘢

不過諗到某個位

我d眼淚係不自覺咁流咗落嚟

完咗成個meditation 之後

感覺好似同某d跟咗自己好耐嘅嘢再見咁

成個人鬆咗好多

感覺自己嘅心理質素

有提升咗去另一個層次

哈哈...就係咁誇張！

唔錯唔錯....有機會玩多幾次先！

《被討厭的勇氣》閱讀報告

人是可以改變的；世界無比單純；誰都能獲得幸福；繭居族不是心靈創傷、畏懼人群，而是自己根本不想出門；憤怒是手段，是用來達成自己目的的工具，不是因為別人做了什麼惹你生氣；自怨自艾或無所作為的人，其實是把自己的不幸當成「武器」，這樣就可以裝可憐、操縱對方的情感，甚至永遠讓自己有藉口不作為，不需要擺脫不幸的狀態；稱讚是一種上對下的評斷；想要行使自由，就要付出一些代價，要不在意他人的評價，要「不怕被討厭」；還有，你或許不喜歡被討厭，但是「別人要不要討厭你」，是別人的課題，不用把它變成你的課題……

p.s. 因為呢本書實在太好睇太多重點

希望睇緊呢篇文嘅你/ 將來嘅自己

會逐粒字睇晒以上書中重點唔好miss

睇晒之後先慢慢睇我下面某幾點精選讀後感

1)  憤怒是手段，是用來達成自己目的的工具，不是因為別人做了什麼惹你生氣

Adler 提出呢個point嘅時候

我諗咗好耐

佢同大家一直以來所認知

即係Freud嘅「因果論」好唔同

Adler 主張「目的論」

我們有了某個目的，便以憤怒這手段來表達

最常見嘅目的e.g. 想操縱對方 (而想操縱對方其實係因為自卑)

了解到呢度

突然覺得生氣係一件好無聊嘅事

因為無奶油俾個自卑仔影響自己情緒咁豬仔架麻係咪

2) 自怨自艾或無所作為的人，其實是把自己的不幸當成「武器」，這樣就可以裝可憐、操縱對方的情感，甚至永遠讓自己有藉口不作為，不需要擺脫不幸的狀態

唔知你身邊有冇呢類人

我身邊就好多喇…至少睇緊呢本書嘅時候已經諗起幾個

呢類人表面上好-ve

但其實Adler 會形容佢嘅根本樂在其中 (好有同感！！！)

因為佢嘅目的其實都係想操縱對方又自卑

用不幸做藉口嘅人真係好懦夫 (呢個係我講嘅)

Come on men, 你估呢個世界真係有咁多不幸咩

俾少少勇氣擺脫佢得唔得?

3) 稱讚是一種上對下的評斷 v.s. 我們並不是為了滿足他人期望而活

Adler 認為人係唔需要被稱讚

因為那代表縱向關係

而不是人人平等的橫向關係

如果屈服於縱向關係，渴望別人稱讚

那就是為了滿足他人期望而活

好有趣嘅觀點！

如果唔係Adler咁講...我都完全無諗過呢樣嘢

知道自己價值嘅人…根本唔需要別人稱讚

咁…人人平等的橫向關係

唔讚得…咁應該講咩呢?

答案就係「謝謝」

4) 要除去所有煩惱，唯有獨自一人存活在宇宙中

很喜歡這個見解

不是因為同宇宙有關

而是因為喜歡「宏觀v.s. 微觀」這概念

我們之所以認為眼前嘅煩惱是煩惱

大概是因為我們用了微觀去看待它

太過focus 在一件事上

所以煩惱怎樣看它依然是煩惱

但如果宏觀一點看

假設你只是獨自一人存活在宇宙中

那麼眼前的煩惱

還照舊是煩惱嗎?

其實…我們都渺小如星塵

5) 我們並不是為了滿足他人期望而活。

當我琴晚同Yota 討論呢個point 嘅時候

佢都話發覺大部分人好得意

喜歡用一堆理由去證明俾其他人睇自己係啱

但如果人需要證明自己係啱...需要別人認同

咁佢其實壓根兒覺得自己係錯

嗯嗯...好同意

明白你嘅自然會明...唔明嘅就同佢講嘢都浪費時間

你是怎麼樣...自己清楚就好了

何必要滿足別人的期望而活在一個自己根本唔認同嘅世界

呢本書真係好好好好睇

第一次覺得哲學同心理學一樣有趣

Alfred Adler簡直係一個天才

要推介俾身邊所有人