自閉妹的生活

星期六去咗夜Chok 墨魚
又幾好玩喎
船上面9.9成人都係唔識嘅
自己又講唔到嘢
唯有玩自閉同墨魚鬥chok😎
哈哈…不過夜晚出海好舒服

又把頭髮染藍了
今次初嘗自己染
做咗成個禮拜阿凡達之後開始見到效果
好成功!!!! 勁鍾意隻色!!!
Yeah!!!
咁就可以慳番9百幾蚊😍😍!!!

今日心血來潮買咗棵樹返屋企種
又買咗滿天星
依家間房好多植物
咩都唔做淨係望住佢哋已經好開心
會唔會係咁…哈哈哈

唔好問我點解病緊都可以做到咁多嘢
我都唔知🙈🙈
可能就係因為曳得濟周圍走唔休息
所以病到依家都未好😂😂
不過其實Keep住做自閉妹好辛苦
我只想身體健康…🎵🎵
最多我唔再偷食朱古力啦🙈🙈

失聲

雖然連續放咗自己3日假
但可能近排Chur得盡得濟
Chur到病了
感冒到失聲
嘢又講唔到食咩都無味
唯有同自己講
小病是福
有得請多日假放多3日真好

嗚呀…其實我聽晚好想去釣墨魚的
希望d藥work la
I want my voice back 🙇🙇

拜拜大仙

琴日放假
好耐無試過平日放假…好爽
陪高兒去黃大仙拜拜
因為佢話自己呢排好黑仔
要轉轉運

咁大個女第一次去黃大仙廟
原來間廟好靚的
求咗2支都係好簽
哈哈…係咪通常陪人去嘅時候
都會求到好簽?😂😂
心情大靚❤❤
多謝大仙!!!
靈咗我會返嚟還神的!!
一定!!
I promise!!!😘😘

夜晚去探公公
佢又做手術了陰公豬
好彩精神都ok
希望佢可以快d出院啦
要健健康康呀知唔知?