5.1...

當我原本的計劃不停改變的時候
說真的.我會好炆.
但係.
當計劃改變為愈來愈早實現
咁又唔同講法.
當然.即係代表我又要努力d
今日係勞動節嘛.
所以我...
係度計計下既時候
醒起.7.8...兩個月又要食穀種.
真煩...依家又剩d錢到時洗啦
T_T.....
算啦.人總有順逆境的時候
我就唔好抱怨咁多了.努力慳錢吧

放開!?放開啦~

由新年開始.發生左好多事


親戚的問題~自己的失戀.(失去單戀對象)



今日回顧...我放開了.



而這個放開.與一個月前所講的放開.



係有唔同意義的.



之前.係有種...不甘心與無奈...



依家....係有種豁達



點解會咁.因為我...係呢兩個月想左好多



係迷戀失去後.其實有好多野...



我改唔到....而大家係唔夾既.



以前覺得.我鐘意佢.可以我改.或我等.



(水瓶座點解會咁忍讓?)



但係到左今日....睇清楚囉~



咁我份人係...飛蛾撲火型.



唔試過.唔甘心的.所以.無後悔啦~



反正....唔識得欣賞我既人.要黎都冇用.



今日思敏同我講.可能九月同佢一齊夾教興趣班~



都好既.又多樣唔同既野玩下.雖然忙.反正我都有時間



......不過諗諗下.如果今次真係成事.



去勞校教的話...咁工聯旗下四間學校.我教左三間.



(癲左........)



我好愛工作?我都唔知

~未來~

今日每一個決定.都會影響到未來的自己
但係.
當我依然係一個人的時候.
我只為自己同屋企人負責.
年輕就是本錢嘛
我可以承受的風險可以很高的.
人類本來就是天生的賭徒.
每一個人都冇法知道...
自己落左幾多注~
而最後又囉得番幾多.
唔到死0個日.真係會冇人知~
身邊太多太多為自己打算.同埋好多叻人
叫我如何不為自己去諗?

當每一日.
一張開眼.就係度諗自己要點算
這問題.好似...太過杞人憂天
但係...
我真係唔想...浪費我既時間
然後..人又老.錢又冇

我已經冇理想.
唔可以連錢都冇埋.
........
又或者~當我思考我未來要點既時候
亦希望我搵到我黎呢個世界既意義

事過境遷

好啦.我失敗左.

不過好在地.失敗的第二天.
有一份新的工作.
令我冇得咁容易去想起佢.
(唔係冇想.只係冇咁多時間去想)

當佢唱既歌可以令我么心么肺.
進而幻聽的時候.
有點覺得受夠了.
受夠了沉溺的自己.

係呢十日裡面我做過咩?
應該就係...去減肥啦.
計劃下我既人生啦~
狂去篤我盤數.
有點想去行開啦.
尤係見到picca係日本讀書咁開心
我係咪都真係要去見識一下?

教書...
我仲有兩個半學年就夠十年了
曾經話過想做夠十年就轉行.
但係為左我2018年的大計.
似乎要做多六年了.
係呢六年.我要慳d.....
電話盡量唔好換.
(因為會拖慢進度...)

希望....2018年...
我可以得到我想要既野.

就好似今日.
我得到既野.
已經比我八年前既目標
多上好多.
亦希望八年後既自己.
同樣有今日既感覺

頂!!!!!!!!!!!!!!!!!!!!!!!!

聽日佢生日.
不過係好難搵到佢既情況下.
(佢電話神左.)
見難得我今日搵到佢.
就送左比佢先啦~
(佢今日囉個電話出黎.
比我睇佢電話的失靈情況)

依家我好似考完琴.等緊出成績咁
不過依佢既性格~
一般都係冇咩表情咁就過左架啦
唉.

我自己想點?

點解會鐘意一個咁木木獨獨既男人?
天殺的..........
我這麼吵.點解會鐘意舊木頭架?

進展

身邊好多人都關心的與九號仔的發展.
繼新年前整過蘿蔔糕佢食~
到人日整朱古力蛋糕~
(哈哈.呢個蛋糕.佢食左好幾日呀~~~~)

星期三就到佢生日啦
但係我想送佢的禮物.
卻未買到最想要的部份
唉~~~~澳門真係好無奈

今日同朋友傾計.
我開始明白.點解我可以咁Dry
因為我係度追求緊一種感覺.
一見鐘情的感覺.
而呢種感覺
並唔係成日都有的.

以前對住何建恆.我有.
N年後.
我遇到我的前度.仲勁
簡直好似係還債比佢咁
我....總之見到佢.
我連大腦都唔可以正常思考....
所以.到左今日.我都好驚見番佢
因為無論佢其實外在條件唔太好的情況下.
點解我仲可以為佢咁癲?
我都唔知~~~~完全唔可以冷靜下來的.

直到今日九號仔.
一見鐘情真係冇.
(直到佢約我去K前.
我只覺得呢個男同事係我鐘意既類型)

但係最絕既係佢把聲.
講野唔係太好聽.(太弱太斯文啦)
但係唱歌.總係插到我入心入肺的
痛到我死死下.

感受到佢既過去.佢既心情.
令我無法去逃避.
總係聽到佢既唱歌把聲咁.(天殺的)

呢種感覺.比一見鐘情仲恐怖
因為不知不覺.
就係生活入面呈現左出黎
呢種淡淡既溫馨.係我從來未試過.
(一見鐘情的感覺.總係驚濤駭浪的)

甜嘛?
對.依家的我.感覺很SWEET~

他不愛我

呢首歌.中到應一應
當我連係facebook都post得出的時候
就代表左我承認左我既失敗~
而當我承認的時候~
就係我要再從新出發的時候~

我承認我好痛.亦都好唔開心.
呢個唔開心.有一半係佢比我的.
有一半係我為自己的寂寞.

有時都覺得冇目標~
就算有.都開始覺得.自己究竟為左咩野?

每逢佳節倍抑鬱~
我就黎係架啦~唉...
做人.真係苦多過開心~
尤其係我呢種人.......

再見.我的MD-64-23

......1970日的日子.
我.放開左我的車.

佢陪我過左好開心既日子.
(拍拖.開工.番學.)
亦陪我過左好唔開心既日子.
(分手.學生既激氣.生活的不平事)

亦陪我笑過.喊過.

甚至炒車.佢大修.我入廠.
(小事小事)

但係同時佢都代表左
一段我要放開既回憶.

要唔要留低佢.
呢件事.我諗左兩年幾三年.

因為真係好唔捨得.

黎到今日.
當我連長笛同鋼琴都放棄既時間.
我覺得係時候要連佢都放棄埋.

請原諒我既自私同任性.
因為我要往前行了.

"擁不擁有也會記住誰"
無錯.你永遠係我回憶佔有一角
這亦是我無能為力的事.
因為.記住就係記住.
唔到我想去忘記.......

2010.01.01

...新一年.
我當然希望有新希望啦~
不過最緊要係學會儲錢~
(比之前儲多五分之一先啦)
因為...
原來自己真係好大洗喔.
這是要改的~

今年希望~
我有拖仔拍啦~
(不過千祈唔好爆錯對象)
...........

然後.
工作順一d.
學生激少我一d

屋企和氣一d
我脾氣和善一d

多d享受依家既生活多一d
愛自己多一d

尋日叫九號仔幫我買雪榚.
佢竟然話唔好~...(點解呢~~)
話..唔健康~~~(我真係想死...=_=")
唉~~~~~一盆冷水就咁....唉
咁梗係叫佢唔洗買啦...唉

最後佢都有去睇下有冇得賣.
點知雪榚機壞左~~~唉
整定就係整定.

十年

.....十年黎.
真係轉變得好緊要喔.
(可能係博殺期掛.勁多變化)
以下係當年17歲的我.
完全冇諗過自己會做既事:

01.由冇手提電話.
變左電話殺手

02.做老師.
(依家仲做兩份添)

03.以為廿六歲會嫁.....
(少女的夢想.依家好慶幸)

04.離開樂韻朱老師.
仲一間琴行轉一間

05.完成左買一間姑婆屋既夢想

06.完成左做屋主婆收租的夢想

07.冇諗過成日飛電單車

08.身邊勁多朋友結曬婚.
我依然對愛情望門輕嘆

09.學廚整蛋糕...

10.會為一個男人悶悶不樂.
獨身了多年..(太笨了)

6.7...係我由細都想到大.不過冇諗過.
咁快就會做曬....搞到我矛人生目標.....

下十年我又會想做d咩野呢?

應該係開始打算去旅行.
去學放鬆之類吧........