偽慢活

之前聽到首歌有靈感，特登趁前日上山練習去拍嘅片。雖然想拍嘅都拍唔到，拍到心中大約一成，又受各種限制，包括手機Apps功能、現場環境天氣、自己身體狀況etc，但都係唔錯嘅試驗，當係draft，他日有機會先帶靚機+電腦剪接吧

好想試雙重曝光剪接呢(｡＞0＜｡)

另一段自拍，又係趁陽光燦爛、自然filter美化

不過呢度受版權限制，音樂校到好細聲(＞_＜)

呢幾個月曬得多，頸尾特黑 成日嚴重失眠⋯好多野都有心冇力，慢慢做，總好過冇進展，個社會，甚至世界，都唔太容許年青人慢，不過我知道呢刻自己需要慢⋯

由過往廿幾年每日起身問自己「今日要做乜」，變成宜家嘅「今日想做乜」，冇咁多想用盡分秒、怕「浪費時間」嘅內疚，訓練緊放生自己

成個月冇喺度寫，明明好多野想記錄，每次寫時都有點⋯顧慮？呢個係我嘅空間，本來唔應該太在乎觀眾⋯還在調節中⋯

慢，是的，但都比唔少人快 更唔係乜都冇做，撐住

夏水禮2017

8月19日 趕到打風前來個夏水禮

陽光燦爛、色彩繽紛～真開心

都係第一次去愉景灣嘅沙灘哦

來到沙灘都要飲酒

我冇點飲呢，怕落水唔舒服，不過都係作抽筋，因為瞓得少吧⋯

水質差得恐怖 但一場來到⋯

人又多，只係排隊沖身一次，都排左大半個鐘⋯

班男人原來唔知防曬要半個鐘先生效，搽完即曬，有個直頭唔搽ヽ(゜▽、゜)ノ

有個傻佬去換褲換左成個鐘，嚇死人⋯原來佢拎錯衫當泳褲而要去買( ´艸｀) 但中途走去影狗⋯睇黎要請看護睇住佢，老人痴呆

有人扮長腿淨影自己腳，本小姐都唔輸蝕，同你比長腿，按比例計當然本小姐完勝о(ж＞▽＜)ｙ ☆

途人亂入的自拍，太曬，等人走時就hold唔到表情

點都要記錄下全身裝扮，嗯⋯嫌腳粗(￣_￣ i)

最正都係玩寶礦力波波，冇帶泳褲果個全日keep住柒 難得你咁有娛樂性～拋錯方向、叫錯no.、喪追波～知你鍾意個波啦～成日攬住唔放～

將堆吉酒樽放曬喺個瞓緊覺嘅度，影左相仲send俾佢兄弟，佢地堅誤會：「去沙灘都飲到咁醉？」、「佢冇事呀？」( ´艸｀)［衰］

入黑後一邊玩推理遊戲一邊等人潮散去，大家先輪流去沖身，咁樣玩遊戲又幾好Feel喎～

估唔到大家咁捱得餓，12點幾先打邊爐，食得黎各自返歸都4點，仲留個傻佬陪我傾天光 雖然傾完果兩日好左之後易反彈，但總比我自己無了期亂諗好