藥物失效，瞓左幾個鐘就醒左，不如都係交代返個故事，舒緩少少應該有助再次入睡
女神由派帖到婚禮完成，我一直有記住，篇文喺度放左好耐，都未發佈，因為呢期實在太多事發生
其實由派帖前我已經知道自己身體出大問題，只係同左身邊幾個朋友講，因為唔想新娘擔心，女神應該開開心心等嫁
2月尾都仲有經理人嘅利是收！好威威
婚禮當日我足本全程參與，認識到女神親友們，仲一齊打牌，好驚喜雖然當日間中有些不如意事、小插曲，但唔影響對新人嘅祝福，最緊要新人開心
有幕好好笑，因為2月時一次拍攝工作中，聽到人搞爛gag—執「紙」之手，搞到我喺司儀講到呢4個字時都不其然「嘎嘎」咁笑左，好彩隔離嘅都係相熟友人，唔係真係𤓓爆(≧▽≦)
另外，俾石少認識下我班模友都開心，感覺上多個朋友明白我，散場後私下深入探討先係令我有友誼邁進嘅感覺，不過我都知，咁樣嘅機會日後唔多啦，順其自然吧
可惜咁落力打扮都識唔到多個靚仔Y(＞_＜、)Y
我拍左好多花絮片段，但至今都冇心情剪接⋯原諒我⋯(ﾉ_-｡) 但總有日會完成的！
表面上愛逞強，真的我不說就完全沒人察覺我內心多崩潰⋯感激這段時間大家主動關心、留意我，好感恩我這種小人物都得到各種賞識、支持和鼓勵，所以我會嘗試多走出去，接觸一下新圈子，祈求新希望