mp3就係mp3, 相機就係相機

基本上尋日同今日都冇做過d咩
只係打左兩三個電話, 之後都係諗去邊搵景
但都係得個諗字...
咁又過左兩日又到星期五啦


晚上去左旺角行街街...
基本上得個迫字...


成街都係人, 成街都係垃圾...


感覺上街上d人嘅眼光好奇怪, 點解重有人會拎住部相機一邊行一邊影相


重要唔係單反...
(可能佢地心諗... 有咩好影吖, 呢個年代影snap用手機好過啦)


我個人覺得... 手機就係手機


正如mp3就係mp3, 相機就係相機
mp3可以用FLAC檔, 加EQ, 推力比手機大, 聲比手機好
最重要唔洗浪費我手機d電


同樣, 相機高ISO, 有得校光圈快門
手機跟本就冇得比
冇錯, iPhone影相係唔錯, 不過我會比較喜歡相機按下快門一刻的快感


ps 坐巴士回家時前面四個大陸人講野超大聲
我戴住headphone聽緊歌, 坐晌樓梯位的後方都聽到佢地好大聲講野同笑
其實... 點解佢地唔覺得好失禮同騷擾到其他人咩?
佢地面皮超厚呢...

為咩...

今日去左睇景... 錯曬囉...

可能係我聽錯啦, 不過唔似醫院似復康中心only

之後返到公司其實都唔知為咩...

anyway, 聽日唔出去搵齊料後日出去跑一跑...

情人節

又到左一年一度情人節... 小弟經歷過23個單身的情人節... o(；△；)o
都習慣了... 只係街上的閃光彈太多... (ノ◇≦。)


今日早上去左九龍塘搵老人院...
世界變啦... 成個九龍塘都只有時鐘酒店, 幼稚園同豪宅 （/TДT)/
今日可以話白行...
下午回到公司聽個講座... 笑到呢...


晚上去死去死團食飯... o(TωT )
如果唔係要返工, 我應該飲左酒...
明年今日... 可以唔再去呢d飯局嗎? (TωT)