SDN握手會

今日晌公司收到新劇本, d劇情我笑左

不過明明就係恐怖片來的

下午去左銀行
原來唔係我問題, 係佢冇啦啦自己跳左去國際網絡
結果佢幫我剪左卡... 下星期寄張新嘅俾我

之後去左搵押店...
十間十間都唔得
結果我只可以講一句:
你地又話人地成日用廠景悶, 又唔幫下手俾人拍野
唔係我地唔努力, 而係你地都唔合作, 結果我地又係用返果d景...
FUCK!!
之後去左SDN握手會

本來只係想握一次就算
結果都係握曬兩次

因為佢地太nice了
同近藤用英文傾計... 傾到保安拉我走但近藤又拉住我
陳小姐問我香港邊度好玩, 我叫佢去尖咀, 因為近西九
同西國原講佢solo好好聽
佢地好開心咁... 就咁令我去第二次
叫佢地加油同請佢地再嚟香港
握完手仔上左8樓食野
結果又見多佢地一次
食飽飽就回家訓了

終於有公司車去睇景啦~~

終於有公司車去睇景啦~~
點知司機一開波就遲左差唔多半個鐘
之後上左去黃竹洋村...

d廢屋呢? 冇曬... 重起緊新屋...
T﹏T點解會咁架...
之後就好快落左山轉去沙螺洞

我地搵到半廢嘅村...

正當我地睇緊景時, 我地發現我地部車好成功咁卡住左晌泥地唔上唔落...
後波又冇力, 泥地又濕左


結果要call拖車...

就咁本來12點半走得... 搞到兩點幾先落得山...

晌大埔墟糖黐豆食左個好好味嘅黑豚飯之後又出發
去左古洞... 同沙頭角
結果都係冇收鑊...
亦因為阻左兩個鐘, 我地決定收隊
因為去邊都好, 去到都會已經天黑, 咩都睇唔到
出到尖咀本來想同店主傾價錢
點知佢大返我轉頭死都要卡片先... 吹漲
之後去左瀰月屋試食

店員介紹左個蘋果派俾我
睇形狀應該係富士蘋果... 外皮好脆, 蘋果有d淋同時又有d爽
等20分鐘, 俾50蚊食一個飽肚又熱嘅蘋果派... 我覺得間唔中豪一次唔錯

店員重好好人咁話除便影相...
就晌果20分鐘, 我一共影左39張相 =P

今日基本上冇咩做過

今日繼續落雨... 又大風... 凍到傻
今日基本上冇咩做過

成日都唔知自己做緊咩...
聽日好d, 去睇景... 借個位唔返公司, 順便去行下山

本來都好想去攀石...
但今日又凍又落雨... 重凍過上星期
懶人是會肥的... 我唔要呀~~

下星期請不要下雨... 不要凍...