黃金周接近尾聲，黎到尾二一日，雖然有點頹廢，沒有出外。
因為人太多了，不想跟人逼，觀光既話，留番平時去就可以了，看新聞報導覺得太瘋狂了。
這個長假還是留在家中好好休息比較好。
今日打掃屋企，洗衫，煮飯，睇左好多電視，好充實
嘩哈哈哈、好耐無記事喇！
其實呢一年都發生左好多事、開心既、無聊既、低潮既、感動既、激勵既都有，不過的確我係懶左將自己既回憶記低呢。
現在有好多都唔記得左係點過喇，呢一年真係過得好快！
呢幾日黃金周、有時間睇番以前踩車既記事、日日都有寫架真係、真係好懷念！
好啦、又激起我打番記事喇，希望之後都會keep住打，一兩句記下都好，第時比自己睇番都好丫。
在這裡生活了下來不經不覺也半年了。
這半年，可以說發生了很多事，也可以說很平淡地渡過了，當中所發生的事對我今後的路也影響深遠，只不過到了現在，我還是弄不清自己的去向，只知道只可以往前走，要在這裡把握機會好好裝備自己、豐富自己，這才是我應走的路。
這半年，每天每天工作、生活反反覆覆之下，生活總算安定了下來，但工作還需再磨練。
現在的我，那份到處冒險的熱血的確涿漸磨滅了，熱血再撻不著，去向也拿不定，這代表著我已經失去了自己嗎？
我不知道，但是這種安定，換角度看其實也是自己想要的，有時候，能讓自己放輕腳步也是一件很感恩的事。
異地生活，大部分時間也是一個人。做什麼，吃什麼，玩什麼，什至是工作，也是一個人。
正面的說是自由自在，反面的說可說是孤獨。常常有人問我，慣了嗎？怎能不慣，況且我不是一早就已經慣了一個人四處流浪嗎。不同的是，現在已不再是流浪，是要定下來好好為自己的將來打算。
此時又會問自己，真的要定下來嗎？我便給自己答了兩個答案。
如果我還是一個人的話，我會繼續任性，繼續冒險，繼續我行我素，繼續挑戰自己的不可能，走我自己想走的路。
如果是兩個人的話，那就當然義無反顧地為對方付出所有，定下來，努力地建立我們的將來，幸福地生活。
答案竟然是這樣，竟然會跟另一半有關，哈。
不過我知道，兩個答案也是我自己來的，而且也是要自己努力吧！！
慶幸的是，這個地方我並不陌生，而且還有一份很親切的感覺，畢竟我也是因為它而決定來的。不管是人，地方，文化，空氣，環境，生活，工作，也是很舒服的。要說困難的話，我相信會是文化衝擊，以及語言的問題，這兩樣東西是我還未適應的。敞若能把這兩個障礙衝開，相信我在這裡會過得很很很舒服。
雖說是日本，但同一國家之中每個地方也有他們不同之處，東京、大阪，東北，九州，沖繩，各有不同，而在北海道，那份寧靜、樸實、簡單，正正就是我所喜歡的。也是它的魅力所在吧。
但是，毫無疑問也充滿掛念，就是對香港所有事的掛念。近一個月的香港新聞，雖然只是略知一二，但也夠心痛了，在外國看現在的香港，的確。。今非昔比。已經不再純樸、單純了。撇除社會的觀點，怎樣說我也很愛香港這個地方，是我土生土長的地方，所有親朋戚友都聚在一起的地方，能給我熱情的地方，是我的家。
雖說北海道的生活很好很理想，但是我始終也是香港人，我一定會回去我的家的！！
往後的路究竟要怎樣走呢？無論是在香港，在北海道，這是我需要不停反思的問題。
計劃永遠追不上變化，每個人每分每秒都在變，我覺得最重要的是能夠掌握適當的時間去做適當的事，這才會叫自己不會後悔，坦蕩蕩地面對自己，並且積極開心地走每一步，即使遇到不如意、困難的事、絆腳的事，也要想著每一刻都是寶貴的經驗，笑著去面對吧！單純地去面對吧！！
這就是我～～
四連休。
無乜特別野做，我都係留響家中溫習，一來係未出糧，無乜錢，唔想出外消費，二來真係一定要好好溫書了，雖然經常溫溫下就訓著左。。。
跟東姐姐傾左一陣計，好羡慕她的工作呢，在瑞士呀﹗﹗
她send 了張相比我睇，真係Oh My GOD喇，好想好想好想好想去瑞士呀﹗
一個人打理屋企的確不容易，亦都有好多開支，現在都所淨無幾，未來日子要節儉了。
平平無奇過了黃金周，又要番工咯。
好彩都有開心事沖喜下丫，就是在兩個禮拜之內我又做了兩個小孩的契爺了，多了一個契仔及契女，好開心丫，BB真係好可愛。能夠陪著他們成長更加開心呢。
好記得Penny跟我說過一句話，銘記在心的，他說好希望可以有我在他的兒子身邊陪著他成長，得到他的認同，我做契爺真係做得好溫暖好幸福呢！！
梓灝、嵐嵐、逸希、高妹，我好慶幸可以做到你地既契爺喔，希望他們快高長大丫
羅契仔
高契女
番工方面，有個大肚婆同事正式放產假了，她的工作會全部交比我黎接手，之後既日子我會多左好多野做，我仍然好介意自己的日文，總是覺得唔識日文真係乜都做唔到咁。
我有跟他們分享了一點，但是他們沒有介意，而且還覺得我其實做野學野真係好快，比起他們學得還要快，語言方面係有不足，但是要慢慢來，始終來了一個月也沒有呢，他們希望我之後會慢慢好過來，亦都好相信我可以做得到。聽到之後好感謝﹗
我也希望可以呢。。。不是。。。不是希望可以，而係一定可以﹗﹗
加上，最近有一些香港的case 要我跟，感覺好親切，可以同番香港人合作，做一個中間人，覺得自己好有存在感，這就是他們需要我在這裡的原因吧﹗﹗
努力，加油﹗
高梓灝，大契仔
嵐嵐、二契女
無乜特別野做，我都係留響家中溫習，一來係未出糧，無乜錢，唔想出外消費，二來真係一定要好好溫書了，雖然經常溫溫下就訓著左。。。
跟東姐姐傾左一陣計，好羡慕她的工作呢，在瑞士呀﹗﹗
她send 了張相比我睇，真係Oh My GOD喇，好想好想好想好想去瑞士呀﹗
一個人打理屋企的確不容易，亦都有好多開支，現在都所淨無幾，未來日子要節儉了。
平平無奇過了黃金周，又要番工咯。
好彩都有開心事沖喜下丫，就是在兩個禮拜之內我又做了兩個小孩的契爺了，多了一個契仔及契女，好開心丫，BB真係好可愛。能夠陪著他們成長更加開心呢。
好記得Penny跟我說過一句話，銘記在心的，他說好希望可以有我在他的兒子身邊陪著他成長，得到他的認同，我做契爺真係做得好溫暖好幸福呢！！
梓灝、嵐嵐、逸希、高妹，我好慶幸可以做到你地既契爺喔，希望他們快高長大丫
羅契仔
高契女
番工方面，有個大肚婆同事正式放產假了，她的工作會全部交比我黎接手，之後既日子我會多左好多野做，我仍然好介意自己的日文，總是覺得唔識日文真係乜都做唔到咁。
我有跟他們分享了一點，但是他們沒有介意，而且還覺得我其實做野學野真係好快，比起他們學得還要快，語言方面係有不足，但是要慢慢來，始終來了一個月也沒有呢，他們希望我之後會慢慢好過來，亦都好相信我可以做得到。聽到之後好感謝﹗
我也希望可以呢。。。不是。。。不是希望可以，而係一定可以﹗﹗
加上，最近有一些香港的case 要我跟，感覺好親切，可以同番香港人合作，做一個中間人，覺得自己好有存在感，這就是他們需要我在這裡的原因吧﹗﹗
努力，加油﹗
高梓灝，大契仔
嵐嵐、二契女
28日，今天番工好積極咁問前輩們有咩幫到手，雖然全部都係基本野，但係都算學左好多野了。午餐的時候跟陳兄一起食，他想跟我聊天想了解一下我的心情，並且開解了我。
他跟我說到5月1日之後，可能大家對我既態度會好唔同，可能會對我的要求會更加高。原因就是日本最強的階級觀念。
其實是這樣的，這一星期(4月份)我在這裡工作是以一個兼職來做的，全職果份合約係由5月1日才會正雇用我為正式員工，陳兄說，當我成為了正式員工的時候，同事們會視我為同一level，所以佢地做既野我都要做到，如果唔係就是我無能力。。。而Boss 們亦都會因為我己經係正社員所以會覺得我係應該要做得到，從而會放好多野比我跟。
現在的我還可以無乜壓力咁去學野，但陳兄說5月1日之後就會完全不同了，正社員同兼職的分別真的好大呢，他叫我要做好心理準備去迎接，亦都好支持我，因為我們是同team 吧。
要講多次，好彩有這位懂華語的前輩在呢，如果唔係我真係仲盲衝衝。
就像今天，已經有開會講到黎緊一年我要負責的數量，已及Target，跑數的壓力來了，對自己日文的自卑感愈黎愈加強了。其實我的擔心全部都是來是語言方面呢，講真做既野真係熟能生巧，我也好有信心自己好快可以handle 得到，唯獨是一講到溝通呢，我就即刻縮晒。。。
真係一定要好好溫書喇。。。
29日，日本假期，留在家中休息。
30日，今日部長分享了一件新聞係關於我們公司的，一名職員做漏左一個巴士預約，涉及11架旅遊巴士，成間學校既大旅行，這位職員為左掩飾自己漏Book，假扮學生在出發前死嚇學校話如果照去旅行既話就係自殺，但是旅行照繼續，後來無巴士坐所以延期左個旅行，從而揭發事件真相。。。。咁都得
部長就同我地講有人問到就答唔清楚。
今日突然間叫我打電話去問野，咁快黎考驗我的日文喇，練左好耐先夠膽打電話出去，口侄侄咁。。。超樣衰，超自負。。。
放工後，陳兄又跟我聊天，談及之後要接手既野，因為有位大肚婆會五月中開始放產假，佢手頭上既工作就會全部交晒比我跟，佢既客都係，但係個大肚婆又躁底，加上係又懶又師奶果種。。。所以無乜親自交低D野比我，諗住乜都唔係點講就放假走人果隻。。。。總之就好難應付既師奶啦。。。。
所以陳兄有見及此先特登同我傾，詳細D講番要做既工作比我知，好感謝他啦﹗
社長突然經過，仲要跟我地打招呼，竟然仲記得我個名，man chan~~好開心。
5月21號就會同社長一齊錄影準備受訪問。。。。有點緊張。
聽完陳兄說，覺得他們(包括部長)對我的期望也幾高呢，他們看見我這一個星期的表現，覺得我學野學得好快，他們相信我三個月內應該可以handle 得到成個過程。熟習左之後，就希望我可以擴展一下生意來源咁。。
聽完之後又開心又擔心，開心係因為得到他們的德高望重，擔心係自己又唔係真係好似佢地咁諗做得到，會令他們失望。
跑數既工作始終都是第一次吧。。。。
因為中國巿場在本公司不斷在變小，始終我們是大公司，好多中國佬偏向走偏門的，所以開始數量會少，不過數量都還是頗多既。
但其實大老細都好想發展下其他地方，亞洲仲有好多地方發展中，咁就將這個重任想係交比我去試，可能係識中英日語語既人真係無乜，陳兄中日可以，但其實我又唔係咁勁架咋。。。。
1號，部長一早就宣佈我由今日開始就係正式員工，哈，這就是壓力了。
放工後有交流會，邀請左幾個在北大做緊交流生既外國學生黎本公司，目的係想了解下佢地國家點睇北海道，從而諗下可以點向那些國家宣傳北海道，國家有馬來西亞，印度、泰國、新加玻，越南，部長要我去參與。。。。
後來聽了很多意見，但是我就覺得不能以偏蓋全，真係要發展既話，要再聽多一些聲音先知呢。
2號，番埋今日，就放四連休咯，今日都無乜特別，不斷要我打電話問野，都算係一個練習黎既，但係個個電話都係問同一樣野既時候。。。就會覺得好煩厭了吧。。。。
另外都有些時間去編輯下D行程，看來這種工作我會比較投入呢，介紹北海道有咩玩呀咁。
今晚，我又做契爺喇，Penny 的仔仔出世喇，好鄧佢地開心，好健康咁喎，八磅重，大喊大叫咁，等我番黎啦契仔。你地都要加油呀羅爸羅媽﹗﹗
黎左兩個禮拜咯，生活還未習慣，但已習慣跟空氣對話了。。。。
Lunch 時間去了大通公園坐坐，北海道的櫻花開了。
