算係期望唔同？套戲遠稱不上「難睇」或者「爛」，當然都唔係好睇，但係要比一百蚊入場的話至少唔會谷住道氣行出戲院。
只能夠講，係各個範疇套戲都係半吊子，唔上唔落。
想睇阿瑟，佢又唔夠慘；想睇小丑，佢又唔夠癲；想睇小丑女，佢又唔夠立體；想睇群眾，佢又無得睇；想睇音樂劇，佢又唔夠戲劇元素；想睇正劇，佢又成日入歌。。。
各種歌(舞)既插入個調子都好唔夾，勁突兀，唯二兩場拍得好係一開頭阿瑟想像中講自己感受，同埋知悉被小丑女呃之後被小丑女開槍既轉折。
某程度上要用唱歌代替讀白既用意係好明顯，阿瑟唔係精神病，但係佢要逃離出面既世界，就需要一個內在既舞台，於是係呢個舞台裡面佢亦逐漸由阿瑟變成小丑，當佢質疑小丑既角色時亦會自我毀滅，直到最後阿瑟死左，亦都真係小丑死左。
呢度做得最差既就係阿瑟無再返過黎。然而阿瑟又會突然係庭上面捨棄小丑既身份，完全係垃圾。
或者，可能，有過想殺死自己某一部份既人特別明白個一種感受。
另外阿瑟之死明明可以拍得用力一啲，即使唔想風風光光被信徒溶左，個笑話都可以淒美啲或者瘋狂啲。而家被個傻佬講段又長又噆既廢話捅刀，再放個死唔嗌CUT既LONG SHOT，可見導演真係有心擺爛。