大神 X 犬神 & 犬神祭師 X 八百比丘尼 & 人魚
單篇故事黎講稍為老套，睇開頭估到尾；作為整體轉接用章節，算係發揮到作用，少左腦力投入劇情，多左精神睇宏觀大故事。
只係可以再用更少更少既篇幅去誦讀背景結構，睇住班人坐係度不停講資料，就覺得奄悶。
可以略讚既係短少精幹既俗套劇情除左cover到神同丘尼既隔世愛情﹑對人類信任與否既神明討論﹑丘尼人類疑似背叛+純人類既自私心情﹑對蛭兒既查案猜測﹑對警察人類既觀點轉變，等等，之外，仲收到少少前面既伏筆同彩蛋，比如愛麗絲真正身分，兼職幫手係咩神明，呢啲。
最大既解釋都講得通之前我既疑問，點解要花4-5集去建立懸疑部份。
第1集算係開始，2-3集係靚靚女神既測試，第4集算係蛭兒既反擊。
加埋都係誤導人靚靚女神係蛭兒既假象。
即使呃唔到人。。。。。
BUT。
極奇怪就係明明靚靚女神已經暴露晒，第5集又走去搞鳩細路女？
第6集又去搵個垂死既神？
又話同靚靚女神宣戰，連續兩集都無左件事，就不只有點兒地可笑。。。。
BTW，蛭兒研究不老不死，唔排除係想自己人類身體長久存活，就唔使不斷輪迴，吧。
有咁意外咩？
更更更更更更更更更更唔明係，既然都已經出左手，點解蛭兒唔順手解決埋半死既病神？定還是之後都會再有解釋，其實神隱既對象係有深層意思？
仲需要吐糟既地方就係，活左幾百年既八百比丘尼已經唔算係「人」了吧，所以佢唔會背叛係有理由？同埋不一定要被攝魂？
純搞笑。
另外，之前要CALL戰鬥人員既時候點解係叫個葯草神出黎？呢個半彩蛋埋得不是太好。。。。。
最後出乎意料之外既係，結尾愛麗絲即刻估到自己係神明身分，下集將會揭曉佢既故事同一切既開端，係前段拖得有點不必要既時候一下去得咁快，希望係件好事。