法國既法庭，法國既法庭戲。
相比垃圾《DADDIO》，呢種舖排更似順手拈來﹑毫無內容既劇本節奏。
從頭到尾只係交待一件案件發生，然後大部份張力都係庭上帶過，到最後作出判決，完。
當中輕輕探討既範疇多不勝數，比較在意既係，作為一個精神分析家，點可能唔明白一個人既矛盾需要，而將見醫生既一面當成當事人完全真實既模樣？
倒不如正正係佢要擺脫醜陋既一面先去睇醫生，而除此以外既presentation都係「正常」。
另外關於文學既虛實﹑抄考，或者算係小小彩蛋，令人更難確信庭上既供詞孰真孰假。
對於兒子最後一段陳述，我就偏向相信為一片謊話。
有趣既旁枝仲有語言既運用。
一邊母語為德語，一邊母語為法語，唯有使用英語作為緩衝，此示「公平」。
係丈夫既眼中卻係「自己既領域受到侵犯」，似乎法國佬真係好憎英文。
不過關於「語言」，以致「琴音」，導演一再強化既用意就唔太明，只能理解為「建構」既主觀性。
最後關於原案，從中間就開始相信，係一個失敗懦弱既男人對成功既另一半作出既報復。