睇完全套戲，先知自己睇錯戲；幸運地誤打誤撞睇到齣幾合口味既電影。
不過輕輕搵過資料，近乎零，較為豐富既豆瓣人就好唔鐘意。。。
撇除當中兩場，基本上係我幾鐘意既one situation drama。全程甚至只係係一個限定AREA度對戲。而角色，更少至得一個人加一個機械人。正正係呢種限度，拍得到一個故事，有感覺，先唔明點解啲人總係將無錢無資源無乜無物掛係口邊，唔去諗創作力量同幻想先可以嚇人一跳。
當然，都幾肯定自己有問題，可能大部份人都覺得套戲係垃圾。
對於電腦/AI/人工智能，一向反感。每次旅行login email/FB/IG，就叫我去email驗証；去到email，就叫我再去第二個email verify。屌你老母，我個password放係到唔係擺設，點撚解下下都要其他野再驗証返「我」係「我」？
垃撚圾點擊圖驗証又係，成日放啲鳩圖出黎問「以下哪個是不是什麼」。你憑乜撚野教我呢個係乜個個係乜。你啲全撚部都係有問題﹑唔清唔楚，你有無辦法解釋正確答案？
都仲未講啲癲狗searching enginee。永遠搵到唔要搵既野。永遠都係塞啲唔關事既野比人睇。又要一堆左抄右抄既廢文放晒係頂，人類唔使自行思考，淨係睇一式一樣既野填飽個死豬肚就夠。
放係套電影，呢啲問題就成為主軸，將一個機械人要保護既人類殺死，而機械人宣稱自己永遠唔會錯。
另外同樣有講，個機械人隻廢鐵手指停左係「請確認你不是機械人」既「Y」字上面閂唔到機。屌你老母。
評論中好多人唔滿意條大橋，質疑主角係蠢死。到底作為地球上最後一個人類，當事人會點面對箇中處境？我唔敢肯定。人類或多或少會寄情機械人，先願意係最後關頭狠下殺手；或者會一直訴諸理性，試圖拗贏舊鐵；又或者有各樣可能係主角未曾諗到﹑做過，至少係劇情上呢點唔值得反駁。
係一個末世，充滿絕望，人類係咪仲要咁努力生存落去？
成套戲最強烈既氛圍就係孤寂。我into個個末日世界，都feel到搵水既緊張感，同埋要車爆機械人既憤怒。
比著我，我都會選擇，照顧好啲薰衣草就夠。