哎呀好好睇呀！
CH.1
春海同滿既互動太有趣，兩次「どうせ暇だし」﹑「あなたには言われたくない」好有默契。一直好似又好親近既兩叔侄。當年一齊住既咖啡粉炒麵雖然無乜印象，但都充滿回憶感。
後半轉向春海同父母既關係，又係勁有趣同感動。去睇老豆既樂團演出，感受到老豆自在既魅力拍手投入，又俾滿借機要佢車老豆返屋企。雖然光司一向無乜地位，又陰陰柔柔，其實一直好關切春海，而春海都知。「做自己就好」呢句說話好明顯令春海充斥住父愛。最後因為個女而做的士司機而聽收音機既心意都大派用場，係春海模彷主持既時候一直雞啄唔斷，真係好鐘意呢一家人。
CH.2
叫停賣屋一場中介一路比滿迫到離開張枱，再繼續退後，完全離開畫面好搞笑。最後當滿講完廢話起身走，外母比個cue話「唔好意思」，先拉返wide個shot見到佢係門後一隅尷尬呆等，種對比好強。
光司則一直背向鏡頭，一如以往咁無佢出聲既餘地。直到去下一場洗碗，外母先同佢講「多謝晒你」，就好似解開晒佢一路擔心三個女人令佢地位越黎越低既心情咁，暗笑得好有滋味。
滿的起心肝對住隻龜喊一幕好感動。認真去學整蛋糕個神情好感動。親手張本身媽媽唔識寫去換既休業通告換成重業通知搞笑得黎又好感動。
當晚春海走之前留低爺爺鐘意既杯交帶滿要好好保管，先由春海係車上兩老偷望佢暗喜，再放春海大頭滿意地望出車外，之後滿係黑夜無開燈既舖睇到留杯留字，再黎一個晴天櫻花過鏡，真係賞心悅目。
當滿話「等一陣，我黎繼承」既時候心裡面仲大叫「你今次係咪認真」個陣原來係隔得太耐忘記左，呢個孩子不嬲都好認真，難怪全屋人都無問出口，而係老懷安懷去接受。隱約間勾起當年佢出走﹑自營咖啡店失敗，再返老家同老豆爭持既片段，今次佢咁認真好想佢可以成功，但又會好擔心，佢仲會唔會咁死硬頸，唔肯向大眾口味妥協，黎守住自己喜歡既「北極星」呢。