Paul哥堅好戲，開個靚頭。對住Hello文種老朋友循循善誘又大家都幾十歲人既感覺好溫和又好強大。之後「老屎忽，飲荼」﹑「兩兄妹唔好再嘈喇」更加係痴撚線。
黃子華，依然係黃子華囉。
許冠文既戲其實都有。啲唔擺上面唔講出口既關愛﹑欣賞心底話都好睇，但係戲味唔出。唔知點解。相比起金燕玲同衛詩雅演得好舒服既感覺完全唔同。
衛詩雅可能都係角色性格有功，平時係屋企或者做野死人既沉鬱有，同蓮姐似母女既互動都有。倔強又有共情既矛盾好展現到。想救金燕玲一段好好。做CPR做到癲，再停低，唔甘心，繼續做。好感動。唯獨鏡頭剪接差左，前一秒阿玥既悲愴皺眉，中間被蓮姐遺容斬開，再接返去阿玥既表情唔同左。
道生係第二單case之後學野既部份好好，又係用配樂襯托每部份細緻對待先人既畫面。最後個SHOT，鏡頭從後停低，穿過照顧被破地獄場景嚇親既小朋友既道生，見到hello文滿意地飲茶，好靚又好充足。
道生同蓮姐化妝一場既笛聲有種仙鶴歸去既感覺。見到阿玥喊，加上之前既互動，總係強加一場《不日成婚2》奶奶同新抱鬧交既前置戲上去，份外心痛。不過往後火化音色越黎越濃就有種過份煽情既感覺。
兄妹二人係醫院爭持一場其實好真實又好無奈，兩個都係被老豆困住左睇唔清，何必呢。
戲既中後段節奏放得更慢，Hello文出院之後都係講兩父女點樣有口難言，感覺重覆又悶。其實好多位都唔需要特登拉長，比如幾次唱南音，雖然有佢既作用，整體上唔夠流暢。反而著西裝似教父一段唔知係咪impro，有啲生氣又唔會離題。甚至覺得道生用白蘭地送行一幕係咪refer緊呢個joke。只係個兩枝野太礙眼。
結尾舌戰群雄一場其實問題不大，更大問題係道生無啦啦要有個仔又唔想要之後又講經做人，係無乜篇幅交待道生既情況下就太刻意。聽聞所謂悲慘結局都係圍繞無左個仔一段，之但係與其拉多條線講道生，不如聚焦講返hello文一家？又或者多啲道生係hello文家人中間勸交既場次？而家睇斌少既著墨其實唔夠豐富，係演技撐起角色，而hello文聲稱自己被道生超渡都太過隨便，全片落黎睇到最多都係由看輕到尊重﹑由疏離到分享，講到成個人生自省咁大，真心ODD。