去到接近FINAL竟然無得群戰互攻，限死個別1打1，成個遊戲已經好失敗。
律師同7HIGH拆夥之後仲有心情開玩笑，咁先係真係玩遊戲既心態。回想以往TG玩呢啲賭局都係一片歡樂﹑有講有笑，今次搞到成個場差晒，幾個仆街冚家剷真係功不可滿。
7HIGH後期情緒好左，又有同人生死與共既經歷，個人設討好左好多。雖然玩GAME唔係好叻，勝在正大光明尊重遊戲。去到最後都以遊戲心態決定拆夥﹑送頭，算係高光時刻。
崔玹準既見風使舵講唔上乞人憎。係就係無骨氣，起碼挺直腰骨埋人堆。可惜咁既人始終難成大器，去到DM高下立見，下下咁大反應唔輸人都先輸陣。
最重要係，鄭泫揆本身就係崔玹準放過佢既，而家比人爬頭都係自作自受。
最尾狗男女既對話，未見到人條女已經出晒水咁款，唔使睇都知邊個係冠軍。