氣氛拉滿，配樂都好體現到風雨欲來既緊張感，惟獨劇情經不起推敲，越到後面越走樣。
前面忙崖雖然即將遇上風季，仍然勁多人係飯店聚首，一片歌舞昇平，突然黎左一個曲馬多，三兩下「大哥要黎」就交待勁多野又保持到暗湧未現既氛圍。之後先係曲馬多繼續搞事，一個唔該就被驢哥爆頭個下勁正。會計前後都表現淡定，體現到呢個人物都係不凡。到驢哥諗住拎錢又被大頭黑吃黑，橋段係迅速，但係畫面拍法完全唔知做乜，又去得太急。
之後大哥終於醒返既心理戰咬得好緊，係咁叫紅姐做呢樣做個樣又同老趙講數，實則係要匿藏既大頭交返數簿，節奏好有魅力。再後面迫紅姐開槍，同會計對賭三槍又係建立到佢既強桿同無情，仲有紅姐既無辜同會計既賠笑。
問題就黎喇。既然大哥都處理完內部既事，何不快快趣乾手淨腳拎晒啲錢走人呢？明知派出所得三個人一把槍，就當三個人有三把槍，都無可能打唔贏啦，拖咁耐講到派出所好難打係做乜鳩。
就係呢個亂鳩黎既前提下同會計反面。而實則會計根本無諗住同佢反面，呢點可以做得好啲，體現大佬個位唔易坐既泥沼。
反完面班細既想做乜又唔係好明。殺埋大哥？拎埋派出所既錢走？其實射完間房搵唔到大哥已經可以走人啦，捉走紅姐唔知係度等乜。而大哥走入派出所求保護既情節似曾相識，算不上驚喜。
於是，唔知做乜既雜兵又唔係著草，又等大哥歸來，係晒飯店鳩坐，紅姐返去仲無乜野咁，到底發生緊啲乜。
而舌頭單騎就入左派出所殺人兼放走大哥，咁，到底點解唔一開始就入去拎錢走人？
大哥出黎之後無走佬，派錢被雜兵自己留低係幾好睇，但係可唔可以解釋下咁既結果之下先前班雜兵到底等緊啲乜。另外老趙成個拉打咁出一出去遇到風沙又返返去好好笑囉。
無聊到爆既係再後面四人兩兩對打。睇係幾好睇，配合大風沙既背景都好特別。但係多杰人設到底係乜。一開始到而家都唔知咁既角色安排黎有乜作用。而大哥同舌頭突如其來既基情又可唔可以比返啲交待。
簡之而言，睇氣氛囉。