第一套，上映年份1979。
按維基：
《這部電影起初遭到激化批評，在1979年的評價中，澳大利亞社會評論家和電影製片人菲利普·亞當斯譴責該片，稱其有「《我的奮鬥》一切的情感隆起」，無疑是「強姦犯、虐待狂、兒童殺手和查理·曼森的萌芽」》
《紐西蘭和瑞典最初禁播該電影。紐西蘭認為古士在車裡被活活殺死的場面過於殘忍，且影射影片發行前不久的真實幫派事件。後來由於續集大獲成功，該片得以以成人分級在1983年上映 。瑞典對該片的禁令於2005年解除》
以而家既角度睇，好多場面都嫌唔夠實淨﹑或者所謂刺激，比如被火活燒﹑燒焦既屍體﹑被車直撞等等都係輕輕帶過，無視覺鏡頭可言，原來去到2005年前都仲係禁片。
除左暴力畫面，配樂用同一段低重樂聲表達有事發生，場面交接有時用投影片式略過，都係充滿年代感。
反而劇本上始終如一， 好有Furiosa既即視感：
- 好似好多配角，好似各有特色，然後無晒下文，最後莫明奇妙領晒飯盒
- 主角既上司一係出現得極其含糊，一係再次消失得無影無踪
- 一邊用旁白交待啲唔等使既野，一邊用無線電強行講啲交待完都唔知有咩意思既情節
- 場口既連接成日消失，要人腦補中間發生乜事
Well，其實大體上故事結構已經簡單得多，都可以勁多瑕疵，可能真係要放棄劇本先適合導演。
對比資料，較為熟悉地去比較1979年前後既香港電影：
龍爭虎鬥 - 1973
半斤八兩 - 1976
少林三十六房 - 1978
鬼打鬼 - 1980
夜車 - 1980
最佳拍檔 - 1982
MAD MAX式既公路飛車片的確係別樹一幟。
第二部係兩年後1981上，唔知又係點既光景。