頭十幾分鐘已經完全感受到老舊單調既配樂問題大幅改善，成套戲生色不少。
第二集開始既末世背景亦有加強，無左綠色植物，更靠近沙漠環境。
必需要提既係美術設計，種種異相裝扮放係當代仍然極具前瞻性，近年星戰﹑MARVEL之類既外星人或者異世界想像完全望塵莫及，充斥住「人」既氣味而無甚驚喜，再次調返轉講，Furiosa真係睇得好失望。
忽然諗起兩套港片，一套《東方三俠》，又係異色美術新高度既戲，另一套成日會諗起，但係唔記得咩戲，淨係記得係座好型既廁所開拖，座廁所呈圓型，一邊廁格，一邊鏡，睇落好簡單，但係，堅型。
劇情上面，UM。。。
前作既飛車同戰車場面去到戲最後十幾二十分鐘先重新出現，甚至變成成龍式既詼諧動作戲。
而中間一段係有極強既違和感，無論同前作比，定係同頭段既定調都黎得截然不同。
唔係話唔好睇，而係格格不入，好難覺得好睇。
另外不論帶野人入城，同破壞座城，都無提供一個合理既解釋，或者感情既支持。
就係，投入唔到，MAX今次真係MAD左。
當然，從脈絡去睇MAX係身不由己，無揀過要行條咩路，所以要話套戲好難睇咩？又絕對唔係。即使係野人講自己背景個段都好融和到原始部落同POV個種新奇感。
只能夠講，野人方向應該先係導演想拍既野，前段Bartertown不過係引子，Title 亦清楚講明，Beyoud Thunderdome。
係末世暴戾既前方，導演係想以人性之善作結，要心存希望，亦難怪第四輯續集去到三十年後先再次出現。
如果成個故事由發現綠洲開始，即使文戲偏重，都Focus得多。
咁會唔會拍得好啲，又係another story啦。呢個世界無如果嘛。
而最後呢，如果知道三十年後既Fury Road由Max被人捉左開始，咁三十年前就唔使比人無啦啦放生左啦。
最特兀既應該係呢個位。
又，不知幾期待個架overload既飛機幾時墜毀，咁就真係神來之筆。