改左個完全無關既中文標題，「每天上班總是累得要死」，啲人係唔識睇戲定唔識中文。
主角要戰鬥既對象其實十分明白，唔止工作，都唔止屋企，係生活。
每一日生活做人都有好多野要面對，好攰，好辛苦。
即使係老婆個一環有少少奇特，整體黎講佢就係一個普通人，煩既係普通事，但係凡人凡人，唔煩又點做人。
正因為生活平淡如水，拍出黎都好生活化，妙就妙在拍得唔悶，亦唔會太刻意，而將重點放左係不停唸唸碎既心聲。
坦白講，係有啲煩，唔明點解條友咁多野諗。但係呢種唔明只係處理得唔算好(？)，實際上正係呢堆心聲講出左一個人要點面對佢既生活，點做出一次又一次現實中既抉擇。當中無後悔，無不滿，只係人生既酸甜苦辣，為左好好地生活，好好地做人，不停同自己戰鬥。
「我好為自己著想，我腦裡面一直都係戰場。」
如果無左呢啲唸唸碎，劇情又好似幸福得過於必然。家人永遠陪係身邊，老婆一直好為自己，仔女全部都好生性，係就係工作上有好多麻煩，但係依然備受尊重同愛護，個世界好似無真正既衰人衰事咁。
或者，生活的確係太多自尋煩惱？
美中不足，或者叫到喉唔到肺既一點係撞見兩個女親生老豆個段，如果衝突強啲，感受會更愛呢個角色。