的確同原版有九成相似，不過，又未真係去到九成既。
比較大既改動係頭尾兩場，頭個場用黎改變吳鎮宇既角色背景，呢份人文關懷延續到最尾後日談到底有無意義，WELL，我諗係多鳩魚既。。。
至於背景同原版唔同有啲人覺得個角色身份好尷尬，咁的確唔再屬於警隊既談判人員係有權力衝突，但係原版其實都有呢種關係，講到底全世界差佬做野都同其他部門既人有衝突嫁啦，至少係情節上非警務人員既談判權力無為成件事帶黎犯駁，反而係加強左關心人質呢種特質有無削弱角色既整體，我覺得原版由頭到尾都比較冷既人設係更有說服力。
呢點亦可能同結尾成場戲改左既有關。
唔知咩係因咩係果，原版從頭都尾都堅持係用腦既對決，結尾都係引蛇出洞去解決問題。而改編之後就變成壞人一輪嘴自爆，難睇到爆。
只係調返轉，如果由關懷弱勢既角色去做返原版個種謀略，又係格格不入。
全戲除左結尾眼火爆，其實中間好多改動刪減都無左原版既精彩程度。
比如副處長既身份無左原版中央同政府既角力同壓力元素，成個角色都係多餘。
原版既線人角色情緒比較豐富，至少遺孀係有戲有作用，而家只係出黎露一露面，又係多餘。
大SIR既定位又莫明奇妙，原版係多少少描述佢有幾好同幾團結其他同伙，改編之後無晒存在感，最後無啦啦辣低自己同伙又係痴鳩線。
強加既港式動作戲就唔使講，將套戲變調做實質既動作片，唔好睇都其次，編排出黎真係得啖笑。
至於演員，唔知點解，全部都唔好睇。
連吳鎮宇都唔好睇。
顏卓靈﹑韋羅莎變左勁燃煩既煩膠。
彭秀慧就好顯係痴線，係演技差個方面。
周祉君成日搶戲，唔知係咪剪接問題，啲對白同走位硬係阻頭阻勢。
劉德華依然係劉華，只係相比之下算入得眼。
反而黃又南雖然一直係布景板，都交到啲野出黎。
總結黎講作為改編，爛船都且有三分釘，未至於話係唔好睇，但係真係唔好睇囉。