正港分局

好尷尬，完全唔明成套劇既來由。

事前好多人話係借鏡/抄《荒唐分局》，但係除左運鏡忽遠忽近之外一啲味道都無。

好明顯成個問題係出於唔好笑。

其實故事還好，「成語殺人」既設定亦好有趣，但係正劇走向硬加笑點就好難睇。

特別係作為電影衍生劇，對「搞笑」既期待極為合理，但係之前既元素通通不見，就唔知成件事為左啲乜。

有啲場口甚至變左驚慄片咁仲令人無所適從。

如果專注做正劇會唔會更好。

無論標題定結尾都顯示想添食下季，如果要維持咁尷尬既拍法，不如算吧啦。