唔知係咪篇幅問題，十五集唔夠做，呢幾集都去得比較快，敍線插得較多。未致於會散亂，係少左陣戲味。
較差係學校幾場，又想舖下小青姊妹發展，又想提下超人賣翻版後續，又要夾硬比戲份何求，每樣野都無無謂謂咁。
同埋近幾集用左幾次VO交待劇情銜接，都係幾失敗既手法。
好睇既係親情重點。飲烈酒個part好睇，衝落樓攬老豆都感人。前者姑姐個工具人預左好工具，不過都略嫌太刻意；後者阿女喊住攬實垃圾佬就預左搞喊人，只係老豆話自己污糟個位可以再多啲層次。
反而係之前TOMATO講到自己唔知老豆倒垃圾咁有啲KICK。
飲烈酒來回重演當年今日個度其實算係老調重彈，但係意思無小青個次咁深。現在式個條線無太多篇幅去交待，而且連接上無前文後理，就算擺埋一齊都顯得多餘。
集數去左一半，十七年前既敍事開始要FADE OUT，明既。只係平行交替又無交集，結構就差左啲。而且浪費左建立出黎對青年版既感情。比如超人&小青&木星既成長﹑兩小無猜+小青放手﹑兄弟割裂﹑姊妹又要和好﹑劇場同舞台劇x2﹑超人既死﹑小青既演員路﹑表弟一家。。。等等等等。
要講既野可以好多，亦係前面拍得好﹑吸引到人對故事人物既關愛先做到既事。只係望住淨低既時間得咁少，就成擔憂。。。