基於chingnes b話唔知點留言, 所以我決定整個留言教學
好, 唔講咁多, 去片!
step 1:
每一篇日記下面, 都會有我用紅色方格圈住既icon, 只要按呢個icon, 就會直接去到step 2
step 2:
當按左以上既留言icon後, 就會入到你想留言個篇日記入面, 拉到最低, 大家可以睇到我用紅色箭咀指住既button, 再按呢個button, 就會直接彈出留言視窗
step 3:
彈左出黎既視窗, 就會係以下呢個咁ga喇, 只要跟住我用紅字列明既地方打內容, 就可以留到言喇! 大家鍾意既話, 個個笑顏icon係一d表情公仔, 鍾意既可以加入留言到
雖然好似好多步驟咁, 但其實一d都唔係ga, 前2個step其實同xanga差唔多, 又係要按comment先入到去留言, 所以多d留言啦, 我會好開心
之前一直都話想整個屬於我地既Wedding Monogram, 講左咁耐, 今日終於整左啦!
今日係屋企睇睇下人地外國d wedding DIY 網時, 俾我睇到好多好正既野, 其中一個就係教用photoshop整monogram既網
佢教得好詳細, 好簡單就整到, 不過係搵font同襯color用左多d時間
依家整左一個自己幾滿意既
, 無論係顏色定字體都係目前最鍾意, 當然之後會唔會變就唔知啦
而呢個monogram, 我諗應該會用係invitation card到, 如果金錢許可的話(其實都係有限金錢, 都係買張卡紙print o者), 我希望會整埋酒樓既table card, 咁呢個monogram就可以再出場多d喇
如果到時真係整table card, 咁下面個日期就唔會要
前晚, 媽咪拎左幾張花紙出黎, 話俾我試下整之前我同佢講個隻pom pom花
但個晚係唔成功既, 剪完捲完之後根本瓣唔起, 再睇返網上面既教學, 結果發現原來整錯左..
人地係要用8層紙, 但我竟然用左1層...咁一定整唔到啦...
但因為太夜喇, 所以留返第2日再黎過
到左尋晚, 終於都成功喇!
雖然整得唔太靚, 不過都叫有個形睇到, 媽咪都話呢隻pom pom花ok, 到時應該會整大朵d, 然後幾朵拼埋一束應該會幾靚
同埋最重要係唔難整, 我整呢個pom pom花, 都係用左5, 6mins到, 勁快
前幾日亦睇到有人話mega box既spotlight有tissue paper賣, 仲要有好多顏色揀, 唔使周圍搵, 希望到時真係搵到我想要既color啦
好啦, 依家俾大家睇下我既製成品
而我心目中係想咁樣整, 用絲帶hold住係張椅到
早排襯住得閒, 睇左bride wars
講真, 初頭都係抱住睇喜劇既心情去睇, 而且加上自己又就黎結婚, 所以諗住睇下參考下
但睇到最後, 我俾套戲裡面個2位女主角d畫面感動到!
雖然套戲總括都係喜劇, 講2位由細玩到大既女主角, 為左攪各自既婚禮而鬥生鬥死, 但當中間唔中會穿插左d好現實既話題, 例如令我好深刻既係, 旁白講到籌備婚禮既過程中, 可以令雙方感情更進一步, 亦可以係令男方感覺厭倦, 而只有女方一人積極籌備, 根住再加上2位女主角折然不同既發展, 真係好有深同感受之感
現階段, 安san都好好, 雖然都有為結婚既野有分歧, 但佢都會包容我既壞脾氣, 同佢都係願意一齊攪結婚d野既, 唔會好似另一個男主角咁, 咩都懶懶行, 唔願攪
至於結局當然係大團圓啦, 不過最後佢地和好既畫面, 真係令我即時諗起chingnes b!!
2位好姊妹真係好sweet好sweet!! 我可以想像到, 當我結婚個日, 都一定會係咁!
呢張係其中我最鍾意既一幕, 2個人係頭紗入面, 真係sweet到暈!!
句野都好sweet!
photo by shide
今日終於見到我地隻婚戒既真身啦
好靚好靚好靚呀!!! <---癲左
今日下午安san send相黎睇時, 已經覺得好靚, 已經好想快d睇到
到放工, 等安san返到黎, 終於睇到喇!!
果然, 真實睇真係靚好多好多, 做得好好, 戴左上手都好好睇, 唔捨得除返落黎
好期待真正可以戴上手既日子, 呵呵!!
自尋晚book左酒席後, 個心都好忐忑, 因為諗諗下又覺得自己好似太衝動, 明知有加一都照去馬...事後諗返都覺得真係有d貴...
之後, 安san朝早打黎, 都係話覺得貴左d, 所以之後既租衫, 影婚紗相都要慳, 唔可以去台灣影, 個一下, 個心真係沉一沉, 因為之前諗好晒既野, 都好似打亂晒咁..
個一刻真係好唔開心, 覺得自己衰衝動, 攪到之後既野都實行唔到
加上見到檯面疊文件, 真係更加down
眼眶熱熱, 有想失控之勢, 不過最後都忍住
之後同契姊傾左, 個心都舒服d
經過今次, 之後book野時, 都真係要小心諗清楚左先, 今次真係一個好好既經歷
放左工, 都打左俾chingnes b, 同佢講我既感受
跟住, 我地都約左係市中心見面, 一齊食個lunch
去左和民, 舒舒服服咁傾
真係好開心有個咁好既姊妹, 陪我行呢段路
同佢傾完, 都釋懷
食完野, 我地都有d累, 所以都一齊去搭車回家
返到屋企, 都有同亞媽講我既感受, 佢都好support我, 仲叫我唔使擔心, 只要開開心心咁攪就得喇, 有咩事都有屋企幫手, 仲有咩好唔開心
個下真係覺得好溫暖, 因為始終第一次攪咁大個project, 心理壓力都大, 成日都會驚錢唔夠, 揀錯野, 攪得唔好
但經過呢次, 我真係覺得, 結婚最緊要開心, 本來之前好執著既野, 都睇化左, d人成日都話一生人一次, 點都要攪得好好睇睇, 其實我之前都唔多唔少會有咁既想法, 但依家諗通左, 如果攪得唔開心, 咁呢件事仲有咩意義呢?
結婚, 最緊要兩個人開開心心, 而唔係為左令個一日有幾盛大風光而鬥生鬥死, 鬧到天昏地暗
所以我要做個開開心心既新娘子, 唔可以俾任何事難倒我!
而且, 身邊有咁多愛我既人, 我真係好幸福!
尋日諗黎諗去, 都係覺得應該hold左個期先, 於是返到去公司, 就決定打俾朱經理幫我hold住個期先
不過因為公司太靜, 實在唔方便打電話講呢d私人野, 於是叫左契姊幫手打, 真係唔該晒啦!!
好成功咁hold左個期, 個人都放心d
但...每當就黎放工時, 公司既h小姐總係好興係呢個時候先交野出黎俾你做
今日, 亦都唔例外!
差唔多5點45分先話要幫佢影相, 真係x丫!! 
快快脆脆交左差, 就走人喇, 不過都遲左d先走到...
急急去到灣仔, 就搵安san喇, 佢一早買定好好食既魚旦俾我, 所以一路行一路食左先, 叫做有d野落肚
之後, 我地都好趕咁入左場, 因為我地去到都已經7點過d, 但expo 8點就收, 真係急到無朋友!
入到去, 咩都唔理, 就搵左皇上皇既booth先, 因為真係時間無多!
去到就搵負責既朱小姐, 然後我地就坐低傾下d細節, 其實都心大心細, 因為尖沙咀要加一, 所以都有d猶豫
本來都想揀九龍灣, 不過安san同我都覺得好似有d遠, 唔太方便, 所以都無揀到
最後, 我地都決定係中港城既皇潮匯
根住, 朱經理都同我地傾左d優惠咁啦...
不過所謂既優惠都係定死左既, 同我係網上睇既差不多
1. 糖水送湯丸
2. 任飲酒水加椅套 $250
3. 席前小食供應提前至5:30pm
4. 停車場加送18小時
5. 每席12張帖 (值得一提係佢地d帖真係好ok, 多款揀又靚)
6. 回門乳豬
7. 蛋糕加至8磅
我地都無咩點講, 佢就已經自己offer晒出黎, 可能一來就黎收工啦
根住, 我地再傾多陣, 就落訂喇
不過我一聽到大抽獎最後招集, 就點左安san去抽獎, 我完全唔記得要佢簽卡...
結果獎又無抽到, 又要等佢回來簽卡...勁傻...haha...
攪掂晒d手績, 我地就去左排隊抽獎, 結果我抽到支勁大既李斯德林, cheap到佢可以俾我抽多次...
今次俾左安san抽, 佢好lucky咁抽到盒貌似(,<---明顯唔服氣) 貴貴地 & 好味既chocolate
根住, 因為expo夠鐘要收檔, 所以我地都無時間睇埋影結婚相個d..好可惜
離開會展, 我地去左海皇食粥, 清清地
book左酒席, 都算定左其中一樣大項目
有左日子, 之後就真係可以拎住個日期做野喇!
2 Oct, 2010 * Our Big Day
今日放左工, 同左安san去左中港城間皇潮匯睇場地。
本來都唔係好想去, 因為個人實在太累...
不過唔去睇下, 又好似唔太放心, 因為睇相, 始終有好多地方都睇唔到...
所以, 最後都去左
同安san會合後, 就出發喇
不過中港城條電梯真係有d怪, 我地搵左陣先去到皇潮匯
入到去, 就有個姓朱既經理帶我地去睇下個場
睇左新娘房, 都幾大, 到時應該都夠位放野, 同放人入去, haha!!
之後都睇左個台, 我自己黎講, 真係好鍾意個中式台, 因為有個好靚既, 大大既喜喜字係到, 完全唔娘味, 非常正!!
之後, 我地係咁意問左d野咁啦, 因為都諗住明天入去expo先再詳細傾, 但大致上, 我同安san都鍾意個場既, 而且地點係尖沙咀, 真係方便好多
根住, 我地去左burger king食野, 都係食個個好好味既mushroom burger
食完, 都回家喇
* 以下係皇潮匯d相
門口
大廳
大廳2
reception
入口走廊 (search返黎既)
呢個就係我好鍾意既喜喜字喇! (search返黎既)
, 就坐960出發!
, 就入場
, 我當然無所謂啦, 反正都入左黎
!!
