第一次去上海
第一次去咁遠既地方
第一次同陌生既朋友
懷住興奮,緊張,開心,好奇,既心情出發!
哈哈 都係為左睇w-inds.演唱會.
自己一個人搭車去機場,
同阿華一齊坐飛機!
14號晚到達上海.
落左機同阿儀&阿嫻會合!
有左佢地2個係到覺得呢次去玩會好放心~
根住我地係一間叫"如家酒店"到住.
15號既行程--世博.
其實我對世博興趣唔大,又迫>< 但大家對世博都好有興趣bo! 
算啦!大家咁想去!
係日本產業館隔離個大螢光幕見到播係w-inds.09年既演唱會
好happy! 我地個個走埋去影相相!
根住開始去排隊睇館啦.. 一邊睇一邊影相!
夜晚排日本館, 幾好睇~ 係成日睇最正既館!
16號既行程--世博again
朝住中國館進發.
勁早7點幾出發,攞中國預約劵. but攞5成!
去左睇世博最有睇頭既沙特館!
尋日聽人講排左10粒鐘睇. o左咀.
門口寫住需時8小時.
我地唔信會排到咁耐,畢竟我地算早入去!!!
我覺得最多咪5個鐘. 好! 我地排 !
排左先知.. 並唔係一般正常人排得到@_@
我地排隊既血淚史
初頭我地排係中間先既, 點知d人開始逼個陣..
真係好恐怖,完全博晒老命咁同你逼,勁炆!
後尾阿儀叫返我地靠攔杆個陣排.算好返d lor !
不過d人一逼個陣真係覺得後面個班野係痴線架 = = 狼死到咩咁.
排左3個鐘頭左右,
我地都覺得自己就快可以入到館,
點知,條隊真係好過隱lor
並唔係你睇到既咁簡單,越排得前越睇到前面原來仲有........咦.. 仲有既.. 唉..又有..
但我地都堅持一直排,無中途放棄
下就5點令,
係呢個moment, 排多半粒鐘我地就可以入到館
但我地就走左 
為左趕住去睇w-inds.演唱會.
當時我地4個人心情極之.........................
心理唔平衡啊!! 排左我地8個鐘頭.. 飯又無食,水又無咩點飲.
而家要走. 真係勁忟勁嬲.
總知攞d時間去行下上海仲好過!
根住"拿拿林"跑過去搭船去返浦西!
超爆多人! 睇情況無一個鐘頭都上唔到船.
勁驚兩頭唔到岸!
又無得睇沙特館+又遲左去睇演唱會@@
後尾好彩個"黃牛敊叔"教我地搭地鐵! 勁快啊 ! 轉左一次線就去左上海大舞台!
我要超級勁爆多謝o個個應承左賣演唱會飛比我既女仔 !
我肯定話要張飛,但你都係驚我唔要張飛,賣左比第二個!!
多謝你, 多得你唔賣比我,
我去左買"黃牛飛" .. 個黃牛叔叔幫我撲到一張第6排1座既飛!
講左價.. 都係vip價錢再比多$300蚊佢, 抵到爛!!!(個人認為><)
如果唔係今日買,我呢張飛無$3000以上人人幣係絕對買唔到,比人炒得太西利啦!)
(ps 臨開場10分鐘內個"黃牛叔叔"撲到飛比我入去= ="""" 驚到爆炸啊我! ><)
入到去......我以為係第6排第一個位係我既,
點知係第6排既正中間位就係1座
呢個係慶太區. 仲要我同慶太對到正一正
我地距離勁近....睇到勁清楚
我忍唔住又要多謝個女仔仲有個黃牛叔叔 >v<
好感動啊坐到咁近. hehe
一坐低個位,開始攞把扇仔啊,螢光棒個陣..
演唱會開始啦. 今年好準時7點半開場.
慶太
唱歌仲係一樣咁好聽.. 不過我鍾意你唱慢歌多d耶~
唔知唱邊首歌,慶太換衫完衫出黎show手臂d"乜蘇" oh><
好大隻啊..so strong !!不過佢仲係好瘦!
涼平 對比上年,又瘦左,你已經係好瘦個種黎架啦,今年仲更加瘦
一定係跳舞跳到你唔記得左食飯.. XD
涼平跳舞好正..好型..終於可以親眼見到~
上年個位都睇得唔太清楚, 加上焦點掛住睇慶太. he
龍一 隻龍包仔好受歡迎.好多人叫佢耶~
mc傻龍..可惜唔識聽日文啦.. 乜都聽唔明.唔制啊.
Now you're gone
慶太自彈自唱自跳 !
仲跳埋上鋼琴到唱歌. 型到痺
唔知幾時開始,好欣賞識彈鋼既人,真係好有魅力!
Every day好好聽...背景動畫好夾首歌.. 聽得好舒服!
唱最後的真實,播左上年w-inds.係香港d花絮,係從來未睇過未播過.
w-inds.3個好得意啊>< 唔該快d公開啦..出碟啦! 做咩收埋佢wo ... >0<
完場個陣,我地狂叫encore
根住涼平好搞笑..好大聲講左句"謝謝"用普通話.. 好得意
我地全部人仲唱左forever memories比佢地聽..
根住佢地開始望左望右...仲同樂隊針...呵呵...實有機encore..
☆最後比我地感動左.. 再唱.. 仲唱返forever memories比我地聽☆
終於比我聽到呢首出道歌! 感動....我喊左 
好難忘..今晚!
睇完演唱會我地去左外灘, 超靚啊!
好似去左外國. 見到好多外國人tim..
我地影左好多相.
影完相佢就熄左燈,我地真係好彩><
返到酒店,勁攰..從未試過咁攰架一日.
聽朝一起身攰到成個人,好似比人廢左咁,
17號既行程--今日要走啦! 搭早機.
朝早去左食上海小籠包, 好好味啊
附近行左一陣,就去機場lu
臨走個陣,好唔捨得佢地,好想再玩得幾日,都未玩夠上海 !
開始既時間總係過得咁快.
自己一個人坐飛機走.
嗚嗚..又無得坐窗口位><
飛機同巴士都係到訓教. 好攰.
上海.下次一定要再去玩過.
真係一個very good既地方!
呢排..無凌晨都唔訓!
今日,睇左"他不笨,他是我爸爸"
由頭喊到落尾.
爸爸對女兒的愛.. 真情流露! 演技無野好講! 好感動!
孩子..
[永遠讓你的夢想最高]
--------------------
才發現,心裡有一個空洞..
這個空洞.. 是要用家人的溫暖來填滿的!
是從何時,很討厭你說難聽的說話,
是從何時,很討厭這個環境,
是從何時,我變得很情緒化,
是從何時,可以不開心到不想說話,
何時放鬆我自己?
i must be strong.