21/2/2010
是日往友人家拜年,時間雖漫長,但只要有個賭字,就完全不用擔心光陰
虛度,什麼三公,魚蝦蟹,只要有得賭,就把悶蛋局面通通打破,我本身不好
賭,但友人熱烈拉攏下,終難卻盛情,就玩過三公,誰知運氣不俗,略有少成,
但後來轉轉玩意,由於牌術一竅不通,最後退下戰線,但卻換來割禾青之罪
名, 雖心知中庸之道,應該一玩到底,才算盡情, 但心知一玩最後一定慘敗
收場,那之前訂下不開利是的算盤就打不響,所以面皮厚一點都要了...
明天開爐,希望今年勝舊年..
20/2/2010
今天幫阿暖公司球隊打聯賽,阿暖是Jacky個老友,佢果隊欠個守門的,
叫我去幫幫手,之前踢過一場,後衛經常包哂越位,上場都救左幾球單刀,
今場情況都一樣,一開始我好似未訓醒,好難集中, 有球唔係吹左"恰西",
一早輸左,之後有球地波死角救出,叫做醒番d,最後球隊都係輸,對新手套,
感覺好大對,不太習慣,有待24號繼續考證.
十日假.....咁就過左....
之前訂下目標,最少睇完一本書,結果當然唔得啦,<<老殘遊記>>只睇完
第3回,不過幾有追看性的.放埋聽日,又要重返現實,又要面對那些醜陋
的咀臉,自從年初四,公司開始有人開工,我就把msn內公司的群組索性
隱藏,免得眼冤,想起那班自我膨漲,生得一相白鴿眼的烏合之眾,腦海
就充滿著x#(&*%$#$@#,
突然想起前兩星期的一椿事.....
記得兩星期前的週六下午,那時大部份人都走得七七八八,我也趕著去
幫阿暖踢聯賽,離開公司大閘,行上一條斜路,這條斜路,正正是我們公司
當權人運籌帷幄的產物,斜得要命不在講,每逢落雨天時,更加要步步為
營,稍為不慎,就滑到當場,輕則洋相盡出,重則可頭破血流,但我們運籌帷
幄的阿爺, 一直視若無睹,上到斜路盡頭,見到阿卜,阿卜為跑數部一員,
大學生出身,但有時言論流露出階級觀念的意識形態,印象談不上差,但都
不算好,見她一手拖著一個大得如走難的行李喼,一手挽著手袋,面上流露
出困苦的表情,我想起應該是從歐洲剛落機回來,她看見我,雙眼煞時發光,
好像流落異邦人生路不熟,語言不通,突然遇到個中國人一樣,以為得救.她
請求我幫忙拿一拿行李喼,我正有此意,因為四野無人,不容我推讓,一路落
斜路,大家都沒有交談,
我打開話題問: 搭的士返嚟呀(其實回嚟多餘)
她:梗係搭的士啦,點搭巴士呀(好似好醒咁)
我:既然搭的士,可以叫佢直接駛落斜路嗎,起碼唔駛咁重拉個喼落斜路,
好在見到我,冇人點算呀(火起了)
大學生......我笑了.......
,
