dicc -18ページ目

school day

好耐無update呢個xanga lu"
因為無乜內心o野想講XDD
不過呢尋日就開學啦
見到自己班o既新同學, 我就即刻諗到... 我係咪真係揀錯科呀..??
但我諗深一層, 去到o個o的班競爭太大咪又係唔o岩我....
好啦" 去到每一個地方都會有識認期o既我知道
希望今年同同學o既關係會好o的啦

我班主任問我今年仲會唔會想做prefect
仲諗住搵埋我個朋友做
可惜佢入o左院做手術....
唔知佢會幾時番o黎呢... 講講下都有o的擔心佢...
好想佢快o的番學陪我, 我唔想成日都自己一個咁悶啦 ><

哈" 有o的掛住佢.

精靈轉化為人 HOCC Music Matters Showcase 2007*

音樂響起，畫面播放著一個木盒
最後將盒子一層一層打開，最入面有一個屈膝既精靈...
此時舞台上有一個精靈，將一個木盒打開
一打開，精靈終於被解放，要開始起動

「大路留在原路　我不會甘於行大直路
大步從未停步　我喜愛獨自行大大步」

精靈被解放，睇到五光十色既世界，覺得好新奇

「全球被你激動　全球被你推動　從前亂發的夢　從來沒那麼盡」
「我也會疲勞　我也會迷途　至少可以　高聲說　現在由我帶路」
「別再等　錯過後以後又遺憾」

世上不只五光十色既都市
精靈及被解放既精靈走到一個寧願既地方

「世俗旅途迷失方向　未見得獲人認同　但我心思在擴張」

雖然處於寧靜同夢幻中
被解放既精靈懷住好奇心決定周圍再睇清楚

「未看到　怎麼安心　下來
就算機關即將倒下來　冒了死始終將機密來揭開」

冒險過後，再次感受大自然帶來既香氣、景緻
決定深深咁沉醉響呢個世界入面...

「沿途又甜又香　呼吸我戀愛　盛放」
「唯獨白色的鮮花　會繼續優雅」
「讓水花　燦爛過放煙花」

再次回到都市，今次精靈搵到玩具 —— 一個鋼片琴
敲著敲著，引來越來越多同伴一齊玩
就連被解放既精靈都加入，一齊玩，一齊開心

「能學成諧趣吧　能學成滑稽嗎　惆悵未算可怕　用笑著笑走它
別自尋煩惱吧　讓事情漫畫化　來蓋住我傷疤」
「若往日春分秋至給我滋養　今晚准我秀一秀」
「教人捱下去　仍覺活得很興奮」
「你愛我　我愛你　你愛我　我也要愛你」

入夜，其他精靈都走哂
被解放既精靈化成最唔可愛既王子
期待一個親近自己既個體

「便從此失去溫柔　從此失去依靠　從此失去一切　而誰都這樣畏懼」

縱然知道自己唔可愛
但都仍然想有個人去愛自己，親近自己

「快樂時你亦同樣　收過幾紮鮮花
軟弱時我亦同樣　整夜牽牽掛掛」

生得唔可愛，自己並無辦法可以選擇
只有內心漂亮，又係唔係真係可以吸引到其他人？

「但咖啡可注入這汽水樽　情感藏不了」
「我在你眼前　你是否望見」

被解放既精靈哭了，哭第一次，法力就會消失
但精靈明白，明白被解放既精靈心腸並唔懷
決定為佢撐一把傘，送佢離開

「幻想大門　我撐著宇宙來維護你
異境大屋　簷下任你起」

失去法力既精靈繼續渡過左好多歲月
於身邊發生過好多好多唔同既事情
所有野，佢都好好記起

「回憶失蹤給我　一種樂趣麼　能否偶爾地忘我」
「如若我也有權愛　同樣我也有權揀　怎樣愛」
「簡簡單單的一切　撐得起一世　我與你有些自閉」
「永遠的忍耐　永遠不出來　世界將依然　不變改
只會讓更多罪名埋沒愛」

每次經歷唔同既遭遇，失去法力既精靈都會上到一課

「得到也是無謂　負擔高過天際」
「木製盒　在我手　幫我成長過」

失去法力既精靈內心開始掙扎
應該繼續咁樣過生活？
但自己已經係一個無法力既精靈，會有人錫自己嗎？
定應該要開展新一頁？

「平時我靜默　不多說話
表達有點差　但也盼被慰問一下」

看來... 失去法力既精靈已經搵到自己想走既路

「慢慢地學會痛心　慢慢地學會化身　普通人」
「荼薇紅過都變枯枝　血肉之軀會沒法保持　唯獨春天可以給記住」

於是，佢決定再流一次眼淚
今次留淚，佢就會告別一直藏身既木盒
因為一個精靈流第 2 次眼淚，就要被懲罰，轉生為人
佢唔可以再好似其他精靈咁，藏身於木紋之間
但佢知道，以前響木盒入面留低過既，永遠都會存在

「來年樹倒　身影孤　煙花散
年輪未可推翻　化不淡」

今次唔再係因為傷心而流淚
轉生為人後，決定拎住自己既木盒
同過去既朋友快樂地告別
然後跑向一個新地方... 開展自己既新生活
----------------------------------------------------------------------------------------------------------------
其實今次係一個少少以劇既形式去講故事
當然，當中有 HOCC 既小小分享

要讚既係~ 今次呢個唔係演唱會
係一個好有 meaning 既演出
當中講到比我地知 What Really Matters
同埋我地身邊既 Small Matters 對我地有乜野意義

舞台上又有好多燈光 (一個細台，但燈光總數可同紅館媲美)
好多歌既燈光都好統一，好靚

當然仲有音樂上既風格
鍾意睇 HOCC，就係因為佢會為左唔同既意思
去將唔同既音樂改編
呢個 point 可以另外再講

個 Ending 我覺得好感動
阿詩落台，一邊向場尾跑，一邊向住個台，同扮演精靈既郭易揮手
而郭易手上既白鴿，由第 2 幕阿 C 拎住時既白色
到變成好多種色，果種感覺好開心，充滿住祝福既感覺
呢一幕我覺得好感動

而彈方面~ 首先就係音響
有一個樂器/mic 一直出現電既 "支支" 聲
第 1 晚有，第 2 晚都竟然仲有
而第 1 晚有 3 次 "boom" 既爆 mic 聲
第 2 晚仲喇叭有事
成晚阿 C 個 mic 一時係 stereo 既聲
突然間會得番 echo 咁勁飄渺
(stereo 時間只佔四分一，但中間不停有事無事聽到人都煩)

第 2 個要彈既，今次個會展真係幾出事
一來座位無高矮，後排睇得幾辛苦
二來個場細，全場都有聲音撞牆等彈番出黎既 Echo
變左好似聽二重唱咁
尤其第 2 晚，喇叭出事後，原本出黎把聲已經變左好飄下
再加埋撞牆反彈既聲，真係好矇囉阿 C 把聲

第 3 個要彈既，唔係無 Encore
係響無 overrun，第 1 場唱又無事既情況下
響第 2 場竟然 cut 左 2 首歌
《天使藍》今次其實選左 Acoustic Angel 版本去唱，平時好少會唱呢個版
但今次都只得第 1 場有唱
好多 gootoes 其實都好想聽 C 演繹呢個版
好多人都覺得好失望...

對於阿 C 既彈... 就係第 1 場太多歌唔記得歌詞...
好彩，第 2 場呢個問題就改過哂 =)

另外仲想講番，本來如果純講故事 (阿詩唔講其他野)
我諗大家會明白多 d 呢個 show 其實想講乜
阿詩響中後段講多左野，反而沖淡左之前累積既感覺同感受

無 Encore 其實今次又無乜所謂，有先覺得怪
為新一頁既開展跑走，又無乜理由番黎 encore 架~ 哈哈
----------------------------------------------------------------------------------------------------------------
重新編曲作品今次有部分真係好估唔到同好精彩
最強勁既當然係《千千萬萬個我》
一首好 Rock 既作品，由 Major key 變成 minor key
多左一份詭異既感覺，仲唔夠，加埋阿 C 變奏既演繹
將夜晚果種孤單既可怕感完全表達到出黎

《水花四濺》由簡單四拍變成 12 拍
即係每一拍入面分左做 3 小拍
成隻歌變得更開心，更舒服，更自由自在

《花見》原曲其實有 d 尷尬，要快不快，要慢不慢
今次將所有包袱拋開，重新再做一首新歌一樣
Jazz 中帶住百老匯歌劇味道
係聽過既版本入面最好既一個

第一場既《化蝶》用左電結他做 intro
其實比第二場用鋼琴做 intro 好
(鋼琴彈法唔同 Live Version)
因為果幕已經講到精靈決定要做人
用電結他入感覺比較倔強，同埋有種下定決心既感覺

《艷光四射》唔再 grand，變得隨和，與眾同樂
人人都可以艷光四射
第 2 場 C 唔知係唔記得左歌詞定有心
最後一次 Chorus 變左啦啦啦啦啦
反而再為呢種平民化既快樂增多左一種一齊玩到癲既感覺，好討好

今次有三首重唱其他人既作品
《愛多 80 年》係一個經典
響 C 既演繹下首歌唔再老土
雖然，如果呢首歌一開始由 C 咁樣去唱
可能只係一首好普通既歌~ 唔會有而家咁紅 XD
而且 C 唱得好鬼馬~ 好多表情好多動作~
都令台下既人全部都起哄
咁樣首歌就唔會覺得好 odd

而重唱 Karen 既《透視》
雖然我好鍾意 Karen 既作品，但阿 C 唱得真係好好
好投入，好有感情咁去唱
Karen 唱廣東歌個腔同咬字唔夠唱國語歌好
所以如果 C 唱國語版，就一定被比下去
《花灑》都係，同古巨基既版本唔一樣
多左一種女仔既輕柔

當然，講到翻唱，最強勁一定係青山大樂隊主唱既《未來》
Rock and roll will never die！
HoBing 唱歌竟然會有 d 兒童腔~ 哈哈