Tuesday, September 18, 2007

今朝睇到珠仔夜晚send o左個msg俾我
唔知點解我睇完之後會望番去自己張床度
跟住就諗起一個畫面....

[我par係張床度睇緊書, 一路睇一路send msg,
首先係同c-lai send 先架
佢o個時話想搞個gathering
我就話不如約晒gard din我o地o個張台o既人啦
佢話: "都就o黎唔齊人啦... "
我o個時仲未知發生o左咩事,
我就問: "點解呀? 有人要走咩? queena要走呀?"
我仲可以傻到問佢o的咁o既o野....
直到我聽完之後, 都只係呆o左...
好想搵o的線索去尋求下其實佢係咪一早已經知道自己要走呢??
到o左同等二個人send msg啦
之前我嬲o左佢好耐, o個時先o岩o岩睬番佢
所以講o既o野好似好有保留咁
之後我問佢: "你有無o野想同我講呀..?"
跟住佢就話: "你知道o左啦?"
我原來都以為自己handle得好好架
但到o左佢講完一句o野之後我就控制唔到...
由一滴眼淚都喊唔出到o的眼滴停唔到.... 就只係要幾分鐘o既時間....]

o的人成日好瀟灑咁留班, 離開香港同埋離開我o地屋企
得番我自己一個係度發晒顛咁喊.....
一年啦" 話快唔快, 話慢唔慢...
我o地大家都發生o左好多o野
大家都成長o左好多,
其實分開下, 都係件好事o黎o既
係再一齊見面o既時候就會多o的話題, 同少o的o益交
同埋感情會更加好呢" =)

今晚有魚食

今日做完野回家途中同啊二五同埋司機堂講開蒸魚攪到我都想食魚，所以就真係買左條魚蒸。哈哈.....好好味worrrrrr......我d自製豉油都唔錯。家下好~~~飽，想訓個覺。走之前講多樣野，今朝睇報紙，又見到細路自殺新聞，當然又係為左一d小事啦。唉，最慘就係呢，個‘專家’geh advice係，“避免過度責罵小朋友。”我一d都唔認同。其實就係而家d家長成日縱d細路，先會惡性循環甘攪到d小朋友甘脆弱。我眼見唔少家長由得d小朋友想點就點，又話唔打得又剩，我地細個邊會甘架，啊媽啊爸話要打，就乖乖就範，影咩響心理講咩民主呢，細路都未識分好壞就由得拒地亂黎，就係要響呢個年齡教架嘛，到大個左教識晒做人基本禮儀先比拒地做拒地自己決定都唔遲。我就係一個例子，細個啊媽啊爸都幾嚴，大個就反而由得我做自己決定唔會鵝我呢樣鵝我個樣，我覺得做父母就係應該甘樣啦，細個管教，大個比支持。我第時都係會甘樣教仔，或人地d仔。哈哈。

又係大家快來www.goomusic.com.hk啦哈哈哈!!!!

哈哈哈哈哈哈我都照update呢邊係咪吹我唔漲呢?

呢排個人仔好重甘，頭又赤赤, 心裡盤算左去刮沙好耐，都未去。
今日終於去左。
好痛啊媽咪!!!!!
整完之後當然就變左件箭豬，不過唔洗擔心，我預算森小個日應該散返ga la, 除非未。
刮之餘當然就拔埋罐啦，我就又火又濕又有風添，啊師傅話呢，我d血有泡走出來添，好可怕!!!!
不過響拔罐放血期間我回頭一望，嘩!!!原來好鬼~~~~~~多血ga, 放!等我重成日以為得三幾滴添。
希望聽日起身個人會醒d啦下。

好，最後講多一句，快d來我個網睇下啦。

http://www.goomusic.com.hk/

有hall1C shop 同埋新blog重有最新木紋wooden heart mix試聽!!!
咪走雞喇!!!!!!