又走一個

對上舊公司, 這半年走了大約6個人(公司員工共14人).... 我諗, 08年完結前將會更多~ 全新血, 勁!

雖然我已經走了, 昨晚都為Gary farewell... 到了旺角麗東酒店食中菜, D 野幾新鮮又幾好味, 係落單有少少亂, 平均一人$130 (AA的話)

XX炒淮山, 竹笙素大瓜甫


石鍋XX生蠔, 馬蹄XX 球


蓮藕XX 餅, 石鍋XX雞

無見大家一個月, 大家當然無變, 不過好掛住大家呢!

散席後, 經金魚街,見仲有兩檔未收舖, 見家中的魚缸無買魚好耐, 又死淨三條老鼠, 望望先~~ 第一次自己買魚仔, 原來金魚街真係好平~~~ 買了在商場睇中已久的雲石波子($15/5條), 紅劍同黑魔梨($10/8條), 殺!!

回家都11pm, 快速對水就入伙大吉, ....平時daddy 唔會對水, 唔知我果批會唔會襟養D 呢!!?

上個月更換的小魚缸~~! 上有釣魚公仔~~~XDDDDD


好得意o既雲石波子呀!!有一條係黑色的~~

*************************
這兩天不斷收到打風的消息, 但這一刻仲係一號風?? 7個鐘內如何變成8號風???

請大家一起跳求風舞!!

*************************

呀!!!!~~~~~~~~~ 去旅行的手信還沒有寄出.... 但究竟.... 放左去邊?!?!?! @0@